Sınoptıkter 2026 jylǵy 11 sáýirde Qazaqstannyń jeti qalasynda aýa sapasynyń nasharlaýy múmkin ekenin eskertti, dep habarlaıdy Egemen.kz.
«Qazgıdromet» málimetinshe, 11 sáýirde Qaraǵandy, Jezqazǵan, Balqash, Temirtaý, Astana, Almaty qalalarynda aýanyń lastanýyna yqpal etetin qolaısyz meteorologııalyq jaǵdaılar boljanyp otyr.
Qolaısyz meteorologııalyq jaǵdaılar – bul qysqa merzimdi meteorologııalyq faktorlardyń (jelsizdik, álsiz jel, tuman, ınversııa) jıyntyǵy. Mundaı kezde zııandy (lastaýshy) zattar atmosferanyń tómengi qabatynda jınalyp qalady.
Qolaısyz meteorologııalyq jaǵdaılar kezinde qala turǵyndaryna ashyq aýada, ásirese tas joldar men basqa da lastaýshy kózderdiń mańynda júrýdi shektegeni jón. Al ókpeniń sozylmaly aýrýlary, júrek-qan tamyrlary jáne allergııalyq aýrýlary bar adamdar syrtqa shyqqanda qajetti dári-dármekterin ózimen birge alyp júrýi kerek.