Qazaqstanda aerotaksı qyzmetin engizý máselesi pysyqtalyp jatyr. Premer-mınıstrdiń orynbasary Qanat Bozymbaev Almaty qalasy, Alataý jáne oblys ákimdikteri áýe kóligin paıdalanýdyń biryńǵaı erejelerin bekitý jóninde ortaq qujat ázirleı alatynyn málimdedi, dep habarlaıdy Egemen.kz.
Úkimettegi brıfıng barysynda vıse-premer Almaty áýejaıyna keletin jolaýshylar úshin aerotaksı qyzmeti tıimdi balama bolýy múmkin ekenin aıtty.
«Qazir Almatyda keptelis saldarynan jolǵa 1,5-2 saǵat ketedi. Áýejaı mańynda aerotaksı alańyn ornalastyrý jospary bar. Jolaýshy qyzmetke aldyn ala tapsyrys beredi. Qazirgi esep boıynsha bir adam úshin 1 shaqyrym jol aqysy shamamen 1 dollar bolady», dedi Qanat Bozymbaev.
El turǵyndary áýe taksıine qashan mine alady?
Aldyn ala esepke sáıkes, 15 shaqyrym qashyqtyqqa ushý quny shamamen 15 dollardy, ıaǵnı 7 myń teńgeden astam somany quraýy múmkin.
Sonymen qatar vıse-premer tasymaldaýshylar arasynda báseke qalyptassa, qyzmet baǵasy tómendeýi yqtımal ekenin atap ótti.
Eske salaıyq, buǵan deıin 19 mamyrda Almaty oblysynyń Alataý qalasynda alǵash ret eVTOL áýe taksıi ushyrylǵany týraly habarlaǵanbyz.