Memleket basshysy Bala quqyqtary jónindegi ýákil Dınara Zákıevany qabyldady. Kezdesýde Dınara Zákıeva Qasym-Jomart Toqaevqa bala quqyqtaryn qorǵaý baǵytynda atqarylyp jatqan júıeli jumystar týraly málimet berdi, dep habarlaıdy Egemen.kz.
Dınara Zákıeva bıyl «Qazaqstan balalary» tujyrymdamasy qabyldanǵanyn atap ótti. Onyń sózinshe, densaýlyq saqtaý, bilim berý, áleýmettik qorǵaý jáne qaýipsizdik salalaryndaǵy bala quqyqtaryn qamtamasyz etý sharalary júıelengen. Jaǵdaıdy jiti saraptaý negizinde bes jylǵa arnalǵan is-qımyl jospary ázirlengen. Qujat áleýmettik qoldaýdy jáne bala quqyqtaryn qorǵaýdy kúsheıtetin 158 sharany qamtıdy.
Bala quqyqtary jónindegi ýákil Memleket basshysyna oblys ákimdikterinde Balalar quqyǵyn qorǵaý basqarmalaryn qurý jumysy aıaqtalǵanyn, olardyń quzyretteri ulttyq zańnamada bekitilgeni jáne uıymdastyrý rásimderi júrip jatqany jóninde baıandady.
Qazirgi ýaqytta qajetti uıymdastyrý rásimderi qolǵa alynǵan. Bıyl 9 óńirdegi ahýalǵa monıtorıng júrgizilip, balalardyń psıhologııalyq salamattylyǵyn qamtamasyz etýge jáne olardyń quqyqtarynyń buzylýynyń aldyn alýǵa baǵyttalǵan is-sharalar sapasy zerdelengen. Bul jergilikti deńgeıde erekshe nazar aýdarýdy jáne qoldaýdy qajet etetin balalarǵa júıeli kómek kórsetýge septigin tıgizdi. Sondaı-aq ol 111 memlekettik baılanys ortalyǵyna túsetin ótinishter boıynsha júrgizilgen jumysqa toqtaldy.
Memleket basshysy Portýgalııa Prezıdentine quttyqtaý jedelhatyn joldady
Mektepterde QR-111 júıesiniń engizilýi balalarmen tikeleı baılanys ornatý jáne olardyń quqyqtarynyń buzylý faktilerin anyqtaý barysynda tıimdi bolǵanyn kórsetip otyr. Atalǵan qural iske qosylǵannan beri, ıaǵnı, 2024 jyldyń qazan aıynan 2026 jyldyń maýsym aıyna deıin balalardan 167 myń habarlama men 4 523 qońyraý kelip túsken.
Prezıdent «Qazaqstan balalary» tujyrymdamasyn sapaly júzege asyrý maqsatynda Bala quqyqtary jónindegi ýákildiń, Úkimettiń jáne jergilikti atqarýshy organdardyń kúsh-jigerin jumyldyrý mańyzdy ekenin atap ótti.
Eske sala keteıik, buǵan deıin Memleket basshysy AQSh Prezıdentiniń Ońtústik jáne Ortalyq Azııa boıynsha arnaıy ókili Serdjıo Gordy qabyldady.