Qazaqstanda turǵyn úı naryǵyndaǵy belsendilik sáýir aıyndaǵy rekordtyq kórsetkishten keıin tómendedi. Mamyr aıynda el boıynsha turǵyn úıdi satyp alý-satý boıynsha 30 420 mámile tirkelip, ótken aımen salystyrǵanda 13,5 paıyzǵa az boldy, dep habarlaıdy Egemen.kz.
Soǵan qaramastan, mamyr aıy – jyl basynan bergi eń belsendi ekinshi aı atandy. Eń joǵary kórsetkish sáýirde tirkelgen bolatyn – sol kezde 35 154 mámile jasalǵan. Al qańtar-naýryz aralyǵynda aı saıyn orta eseppen 27-28 myń mámile rásimdelgen.
Ulttyq statıstıka bıýrosynyń málimetinshe, mámileler sany elimizdiń 20 óńiriniń 18-inde azaıǵan. Eń úlken tómendeý Qyzylorda oblysynda (-35,5%), Almaty qalasynda (-24,2%) jáne Ulytaý oblysynda (-19,4%) baıqaldy.
Depýtat: Turǵyn úı saıasaty jańa sheshimdi talap etedi
Al mámileler sany artqan eki óńir ǵana bar. Túrkistan oblysynda kórsetkish – 7,6 paıyzǵa, Atyraý oblysynda – 0,6 paıyzǵa ósken.
Turǵyn úı saýdasy boıynsha kósh basynda – Astana (5 122 mámile), Almaty (4 925) jáne Qaraǵandy oblysy (2 630) tur. Eń tómen kórsetkish Ulytaý oblysynda tirkeldi – munda nebári 261 mámile jasalǵan.
Mamyrda páterlerge suranys joǵary boldy. Barlyǵy 23 381 páter satyldy, bul sáýirmen salystyrǵanda 3 950-ge az. Eki bólmeli páterler eń kóp suranysqa ıe sanatqa aınaldy. Jeke turǵyn úıler boıynsha 7 039 mámile tirkelip, bir aı ishinde olardyń sany 784-ke qysqarǵan.
Fransııada 3D-prınter kómegimen 34 kúnde kópqabatty turǵyn úı salyndy
Jyldyq kórsetkish boıynsha da turǵyn úı naryǵynda tómendeý baıqalady. 2025 jyldyń mamyrymen salystyrǵanda mámileler sany – 10,5 paıyzǵa azaıyp, 33 986-dan 30 420-ǵa deıin tómendegen. Bul rette eń úlken quldyraý Almaty qalasynda (-31,2%) tirkelse, Túrkistan oblysy 69,6 paıyzdyq ósimmen erekshelendi.