Qazaqstannyń UBT sertıfıkaty Malaızııanyń Joǵary bilim mınıstrligi tarapynan resmı túrde tanylyp, el ýnıversıtetteriniń bakalavrıat baǵdarlamalaryna qabyldaý kezinde usynylatyn qujattar tizimine engizildi, dep habarlaıdy Egemen.kz
Bul qazaqstandyq talapkerlerdiń akademııalyq daıarlyǵyn baǵalaý júıesiniń halyqaralyq deńgeıde moıyndalýynyń mańyzdy kórsetkishi boldy.
Endi qazaqstandyq túlekter Malaızııanyń birqatar ýnıversıtetterine mindetti Foundation daıarlyq baǵdarlamasyn ótpeı-aq, UBT sertıfıkaty arqyly oqýǵa túse alady. Sonymen qatar aǵylshyn tilinde oqytylatyn bilim berý baǵdarlamalaryna túsý úshin IELTS, TOEFL nemese balamaly sertıfıkattar arqyly aǵylshyn tilin meńgerý deńgeıin rastaý talaptary saqtalady.