Meksıkanyń Mıchoakan shtatynda belgisiz qarýly adamdar polısııa patrýline oq jaýdyrdy. Saldarynan bes polısııa qyzmetkeri qaza taýyp, taǵy beseýi jaraqat aldy, dep habarlaıdy Egemen.kz
Bılik ókilderiniń málimetinshe, shabýyl jasaǵandar oqıǵa ornynan qashyp ketken. Qazir olardy ustaý boıynsha arnaıy operasııa bastaldy.
Sondaı-aq quqyq qorǵaý organdary shabýylǵa qylmystyq toptardyń qatysy bolýy múmkin degen nusqany tekserip jatyr.
Oqıǵaǵa qaramastan, bılik ókilderi 2026 jylǵy fýtboldan álem chempıonaty kezinde qaýipsizdik tolyq qamtamasyz etiletinin málimdedi.