11 sáýir kúni saǵat 16:00-de Qazaqstanda negizgi UBT-ǵa ótinish qabyldaý bastalady. Bul týraly Ulttyq testileý ortalyǵy habarlady, dep jazady Egemen.kz.
О́tinishterdi qabyldaý 25 sáýir saǵat 23:59-ǵa deıin jalǵasady. Osy ýaqyt aralyǵynda talapkerler negizgi UBT-ny eki ret tapsyryp, eń joǵary nátıjemen grant konkýrsyna qatysa alady. Testileý 10 mamyr men 10 shilde aralyǵynda ótedi.
Negizgi UBT-ǵa 2026 jylǵy mektep túlekteri, kolledj túlekteri, byltyrǵy túlekteri, shartty túrde oqýǵa qabyldanǵandar, qandastar jáne shetelde bilim alǵan Qazaqstan azamattary qatysa alady.
О́tinishti Testileý ortalyǵynyń saıtynda nemese UTO.kz qosymshasy arqyly berýge bolady.
11–16 sáýir aralyǵynda ótinishti bir ret berýge bolady. 17–25 sáýir aralyǵynda taǵy bir ret nemese alǵashqy kezeńde úlgermegender úshin eki ret ótinish berýge múmkindik bar.
Mysaly, 11–16 sáýir aralyǵynda shilde aıyna, al 17–25 sáýir aralyǵynda mamyr aıyna tirkelýge bolady. Eki tapsyrýdyń arasynda naqty ýaqyt shekteýi joq. Biraq bir kúnde eki ret UBT tapsyrýǵa bolmaıdy.
2026 jylǵy mektep túlekteri úshin negizgi UBT tegin. Al basqa qatysýshylar úshin tólem quny – 5640 teńge. Tólemdi bir saǵat ishinde jasaý qajet, áıtpese ótinish joıylady.
О́tinish berý kezinde talapker usynylǵan nusqalardan testileý kúnin, ýaqytyn jáne ornyn ózi tańdaıdy.
2026 jylǵy mektep túlekterinen basqa qatysýshylar úshin myna kúnder usynylady:
25 mamyr 2 maýsym 5 maýsym 9 maýsym 12 maýsym 15 maýsymEger talapker shekti ball jınasa, negizgi UBT sertıfıkatyn grant konkýrsyna da, aqyly oqýǵa túsýge de paıdalanýǵa bolady.