Memleket basshysy Qasym-Jomart Toqaev otandyq ǵylymnyń damýyna zor úles qosqan birqatar ǵalymdy memlekettik nagradalarmen marapattaý týraly jarlyqtarǵa qol qoıdy, dep habarlaıdy Egemen.kz.
Qasym-Jomart Toqaev shyǵystaný ǵylymyna qosqan eleýli úlesteri jáne fılologııa salasynyń qytaıtaný baǵytyn tereń zerdelep, qazaq tarıhyna qatysty tyń derekterdi jınaqtaýǵa, mádenı qundylyqtarymyzdy nasıhattaýǵa, eki el arasyndaǵy tarıhı baılanysty nyǵaıtýǵa sińirgen aıryqsha eńbekteri úshin R. Súleımenov atyndaǵy Shyǵystaný ınstıtýtynyń bas dırektory, fılologııa ǵylymdarynyń doktory, professor Dúken Másimhanulyna III dárejeli «Barys» ordenin, sondaı-aq ǵalym, fılolog Aınur Ábıdenqyzyna «Qazaqstannyń eńbek sińirgen qaıratkeri» qurmetti ataǵyn berý týraly jarlyqtarǵa qol qoıdy.
Osy oraıda Prezıdent ǵalymdarǵa quttyqtaý jedelhatyn joldap, bul marapat olardyń uzaq jylǵy irgeli izdenisteri men tabandy eńbekteriniń nátıjesi ekenin atap ótti.
Memleket basshysy belgili shyǵystanýshylardyń otbasyna baq-bereke jáne shyǵarmashylyq tabys tiledi.
Qasym-Jomart Toqaev Donald Trampty «Artemıda-2» mıssııasynyń tabysty oryndalýymen quttyqtady