QARAǴANDY. 26 mamyr. Qaraǵandyda «Asyl ájem – dana ájem» atty ájeler arasyndaǵy oblystyq baıqaý ótti. Bul týraly egemen.kz tilshisi habarlady.
Baıqaýǵa oblystyń jas shamalary 55-75 aralyǵyndaǵy ájeler qatysty. Saıyskerler birneshe atalym boıynsha óz ónerleri men bilikterin qazylar alqasynyń talqysyna usyndy.
Baıqaý qorytyndysynda bas júldeni Jezqazǵannnan kelgen 75 jastaǵy Zoıa Beısembaeva jeńip aldy. «Altyn áje» júldesi balqashtyq Shaızada Sadyqovaǵa buıyrsa, «Kúmis áje» syılyǵyna qarqaralylyq Tileýjan Qazıeva laıyq dep tanyldy.
Sonymen qatar, «Fıtnes áje», «Ánshi áje», «Aqyldy áje», «Batyr áje» jáne «Ádemi áje» atalymdary boıynsha da arnaıy júldeler tabys etildi.
Qaırat Ábildınov.
Derek, foto: egemen.kz.