AQTО́BE. 26 mamyr. Aqtóbede elimiz Táýelsizdiginiń 25 jyldyǵyna oraı «Aıtqyshtar Aqtóbede» VII respýblıkalyq ázil-syqaq teatrlarynyń festıvali ótti. Bul týraly egemen.kz tilshisi habarlady.
Oǵan elimizdiń mádenıet jáne óner mekemelerinen ázil-syqaq janryn nasıhattap júrgen 14 teatr men 3 jeke oryndaýshy qatysty. Festıvaldi uıymdastyrýǵa oblys ákiminiń, sonymen qatar, oblystyq mádenıet, muraǵattar jáne qujattama basqarmasynyń qoldaýymen T.Ahtanov atyndaǵy Aqtóbe oblystyq drama teatry muryndyq boldy.
Atalǵan mádenı sharanyń aldynda «Eki ezý» satıra teatrynyń arnaıy uıymdastyrǵan kóleńkeli qoıylymy usynyldy jáne óner magıstri Eltaı Kemaldyń rejısserlyǵymen keshegi qazaqy qaljyńnyń kósegesin kógertken «Tamashanyń» tarlandaryn eske alý maqsatynda teatrlandyrylǵan horeografııalyq kórinis qoıyldy.
Festıvaldiń bas júldelerin «Meniń kúıeýim qyzǵanshaq» komedııasyn qoıǵan Atyraý qalasynyń «Ara-Atyraý» ázil-syqaq teatry men «Dárigerler álemi» jáne «Psıholog» ıntermedııalaryn qazylar talqysyna usynǵan Almaty qalasynyń «Keremet» ázil – syqaq teatry qanjyǵalaryna baılap, árqaısysy 150 myń teńge aqshalaı syılyqqa ıe boldy.
Eki birinshi oryndy Taraz qalasynyń «Talas talanttary» ázil – syqaq jáne Ońtústik Qazaqstan ázil – syqaq jáne satıra teatrlary ıelenip, árqaısysy 100 myń teńge aqshalaı syılyqpen marapattaldy. Festıvalge qatysqan ázil – syqaq teatrlarynyń qaı –qaısy da syı – sııapattan qur qalǵan joq. Olarǵa da aqshalaı syılyqtar men dıplomdar tabystaldy.
Satybaldy Sáýirbaı.
Derek, foto: egemen.kz
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e