KО́KShETAÝ. 26 mamyr. Búgin Aqmola oblysynyń ortalyǵyndaǵy «Táýelsizdik» alańynda ótken mektep bitirýshilerge arnalǵan sońǵy qońyraý saltanatty rásimine 4 myń túlek qatysty. Bul týraly Kókshetaý qalalyq ákimdiginiń baspasóz qyzmetine súıengen egemen.kz tilshisi habarlady.
Merekeniń qonaqtary qatarynda mektep bitirýshiler, olardyń ata-analary, pedagogıka ardagerleri, aımaqtyń qurmetti azamattary boldy.
Túlekterdi Aqmola oblysynyń ákimi Sergeı Kýlagın quttyqtady.
«Sizderdiń aldaryńyzda jaýapty emtıhan – Ulttyq biryńǵaı test tur. Men sizderdiń bul synaqtan abyroımen shyǵyp, joǵary ball alatyndaryńyzǵa senemin. Osy rette óz shákirtterine sapaly bilim, sanaly tárbme bere bilgen ustazdarǵa aıtar alyǵysym kóp, - dedi aımaq basshysy.
Ol óz sózinde sondaı-aq bıylǵy túlekterdiń elimiz egemendigine 25 jyl tolatyn ýaqytta mektep bitirip jatqandaryna nazar aýdaryp, munyń jaqsy nyshan ekenin atap ótti.
Budan ári saltanatty sátti oblystyń shyǵarmashylyq ujymdary jalǵastyryp áketti.
Eske sala keteıik, bıylǵy jyly oblys mektepterin tórt myńnan astam túlek bitirgeli otyr. Olardyń arasynda «Altyn belgiden» úmitker 181, úzdik attestatqa tapsyratyn 65 mektep bitirýshi bar.
Baqbergen Amalbek.
Derek, foto: Kókshetaý qalalyq ákimdiginiń baspasóz qyzmeti.