Astanada bokstan áıelder arasynda ótip jatqan álem chempıonatynda keshe keshke deıin Nazym Qyzaıbaı (48 kg), Dına Jolaman (54 kg) men Valentına Halzova (69 kg) syndy sportshylarymyzdyń fınalǵa shyqqandary belgili boldy.
Jartylaı fınalda alǵashqy bolyp Nazym Qyzaıbaı Soltústik Koreıanyń boksshysy Iаn Gým Iýdi aıqyn basymdyqpen jeńdi. Ol birinshi raýndtan bastap aıqas tizginin óz qolyna alyp, ony sońyna deıin ýysynan shyǵarmady. Endi Qyzaıbaı ½ fınalda amerıkalyq Marlen Esparzany utqan Qytaı qyzy Iаn Vangpen kezdesedi.
54 kılo salmaqtaǵy Dına Jolaman da qarsylasynan myqty boldy. Ol qytaılyq Lıa Pıaopıaony sharshy alańnyń tórt buryshyna qýyp júrip sabady. Bul jekpe-jekte tóreshiler biraýyzdan jeńisti qazaqstandyqqa berdi. Fınalda Dına bolgar Stoka Petrovamen qolǵap túıistiredi.
Rıngke bizden úshinshi bolyp 69 kıloǵa deıingi salmaqta kúsh synasqan Valentına Halzova shyqty. Ol Germanııa sportshysy Nadın Apetsti jeńdi. Kezdesýde nemis qyzy da Halzovanyń soqqylaryna shydaı almaı, besinshi buryshty izdep, aqyr sońynda jeńilisin moıyndady. Endi Valentına chempıondyq ataq úshin qytaılyq Hong Gıýmen kezdesedi.
Keshe keshki sessııada Jaına Shekerbekova (51 kg), Aıman Qojabekova (57 kg) men Lázzat Kúngeıbaeva (+81 kg) fınalǵa shyǵý úshin shaıqasty.
Dastan KENJALIN,
«Egemen Qazaqstan»
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e