Úılený toıyna myń mysyq keldi
Jan-janýarlardy qatty jaqsy kóretin kanadalyq eki jas jubaı 1000 mysyqtyń ortasynda úılený toılaryn ótkizdi.
Qazir AQSh-tyń Kalıfornııa shtatynda turyp jatqan Domınık Iýsson men Lýzı Veronno osy úshin Kanadanyń Kvebek qalasyna ushyp kelip, mysyqtarǵa arnalǵan «Mysyqtar úıi» atty arnaıy baspanaǵa barǵan. Sol jerde toılaryn da jasaǵan. Al ózderin quttyqtap kelgen týǵan-týystaryna syılyqty mysyqtar mekenine tartý etýdi ótinipti.
Ashqaraq túlki quty ishine túsip ketti
Anglııada túlkiniń balasy – myrshaı jer jańǵaq maıy quıylǵan bankiniń ishine basyn tyǵyp, shyǵa almaı qaldy.
Atynyń ózi Arahıs, ıaǵnı jer jańǵaq atalǵan túlki balasy budan úsh apta buryn týylǵan eken. Jurt myrshaıdyń Ýıltshır graftyǵyndaǵy krematorıı terrıtorııasynda basyna banki kıip alyp, ony jaryp jiberý úshin plıtaǵa uryp júrgenin kórip qalady. Ony janýardyń basynan 40 jastaǵy Kevın Drıý shyǵaryp alady. Endi sál ýaqyt tursa túlki balasy tunshyǵyp ólgeli tur eken.
Ǵaryshqa áýe sharymen ushatyn adam da tabyldy
Qytaı ǵalymdary aldaǵy birneshe aıda bir adamdy ǵaryshqa stratostatpen ushyrýdy josparlap otyr.
Osy úshin arnaıy parashıýt kombınezony da daıyndalǵan. Al keńistikke áýe sharymen adam ushyrý mashaqaty ǵarysh týrısiniń qaltasynan 77 myń dollar aqsha shyǵartady. Osylaısha, tarıhta birinshi adam 11-50 shaqyrym qashyqtyq aralyǵynda strasfora aýmaǵyna kóteriledi.
Kúnge qaqtalǵan túıe ıesin óltirip tastady
Úndistanda uzaq ýaqyt ystyq kúnniń qyzýyna ábden qaqtalǵan túıe osy úshin qatty yza bolyp, óz ıesiniń moınyn julyp aldy.
Qaıǵyly oqıǵa Radjsthan shtatyna qarasty Barmer qalasynda oryn alǵan. Janýar aıaqtary men qoly buǵaýlanǵan qalpy úıdiń aýlasynda turyp qalǵan. Iesi onyń baılaýly kúıde qalǵanyn keshke bir-aq esine túsiredi. Buǵaýdan bosatýǵa kelgende, túıe ıesine tap berip, moınyn julyp alady.
Álemde telefon-robottar saýdaǵa tústi
Japonııada «RoBoFon» atty jahandaǵy birinshi telefon-robot satyla bastady.
Qazir atalmysh telefonnyń bı bılep, án salatyny, júre alatyny aıtylyp jatyr. Birinshi saýda kúni telefonnyń aldyn ala tapsyrysy alynǵan 1000 danasy satylypty. Sodan keıin saýda oryndaryna jappaı jiberilgeli tur. Baǵasy 1800 dollardy quraıdy. Kompanııa aldaǵy ýaqyttarda aıyna osyndaı 5000 qondyrǵyny satýǵa úmittenip otyr.
21-degi jigit 71-degi áıelge úılenbek boldy
Týnıstiń 21 jastaǵy azamaty 71-degi shveısarııalyq áıelge úılenýge áreket jasap kórdi.
Biraq Shveısarııa soty jas jigittiń ózinen 50 jas úlken kisini jar etýge degen yqylasynan eshqandaı da súıispenshiliktiń izin taba almaı, bul nekeniń tirkelýine úzildi-kesildi tyıym saldy. Buǵan jaýap retinde áıel jigitpen ekeýiniń kóp nársege kózqarastary birdeı ekenin aıtqan. Olar budan úsh jyl buryn ınternette tanysqan eken. Al byltyr bir-birin birinshi ret kóripti.
Aqparat agenttikteriniń materıaldary negizinde daıyndaldy