2015 jylǵy 21 jeltoqsan, Astana qalasy
Memlekettik aýdıtor biliktiligin berýge úmitker adamdardy sertıfıkattaý jónindegi ulttyq komıssııa týraly erejeni bekitý týraly
«Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańynyń 39-babynyń 5-tarmaǵyna sáıkes, Respýblıkalyq bıýdjettiń atqarylýyn baqylaý jónindegi esep komıteti (budan ári – Esep komıteti) qaýly etedi:
1. Qosa berilip otyrǵan Memlekettik aýdıtor biliktiligin berýge úmitker adamdardy sertıfıkattaý jónindegi ulttyq komıssııa týraly ereje bekitilsin.
2. Esep komıtetiniń Zań bólimi zańnamada belgilengen tártippen:
1) osy normatıvtik qaýlynyń Qazaqstan Respýblıkasynyń Ádilet mınıstrliginde memlekettik tirkelýin;
2) osy normatıvtik qaýly Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin;
3) osy normatıvtik qaýlynyń Esep komıtetiniń ınternet-resýrsyna ornalastyrylýyn qamtamasyz etsin.
3. Normatıvtik qaýlynyń oryndalýyn baqylaý Esep komıtetiniń apparat basshysyna júktelsin.
4. Osy normatıvtik qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Tóraǵanyń mindetin atqarýshy A.MUHAMETKÁRIM
«KELISILDI»
Qazaqstan Respýblıkasynyń Qarjy mınıstri
______________ B.Sultanov
2015 jylǵy 28 jeltoqsan
Respýblıkalyq bıýdjettiń atqarylýyn baqylaý jónindegi esep komıtetiniń
2015 jylǵy 21 jeltoqsandaǵy № 23-n/q normatıvtik qaýlysymen bekitilgen
Memlekettik aýdıtor biliktiligin berýge úmitker adamdardy sertıfıkattaý jónindegi
ulttyq komıssııa týraly ereje
1. Jalpy erejeler
1. Memlekettik aýdıtor biliktiligin berýge úmitker adamdardy sertıfıkattaý jónindegi ulttyq komıssııa týraly ereje (budan ári – Ereje) «Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańynyń 39-babynyń 2-tarmaǵyna sáıkes ázirlendi jáne Memlekettik aýdıtor biliktiligin alýǵa úmitker adamdardy sertıfıkattaý jónindegi ulttyq komıssııanyń (budan ári – Ulttyq komıssııa) ókilettikterin jáne qyzmetiniń uıymdastyrylýyn aıqyndaıdy.
2. Ulttyq komıssııa óz qyzmetinde Qazaqstan Respýblıkasynyń Konstıtýsııasyn, zańnamalyq aktilerin, Qazaqstan Respýblıkasy Prezıdentiniń aktilerin, osy Erejeni jáne Qazaqstan Respýblıkasynyń ózge de normatıvtik quqyqtyq aktilerin basshylyqqa alady.
2. Ulttyq komıssııanyń mindetteri
3. Ulttyq komıssııanyń mindetteri:
1) memlekettik aýdıtor biliktiligin berýge úmitker adamdardyń kásibı, iskerlik qasıetteri men áleýettik múmkindikteriniń jan-jaqty jáne obektıvti sıpattamasyn aıqyndaý;
2) memlekettik aýdıtor biliktiligin berýge úmitker adamdarǵa sertıfıkattaý júrgizý;
3) memlekettik aýdıtor biliktiligin berýge úmitker adamdardyń sertıfıkattaýdan ótý máseleleri boıynsha usynymdar ázirleý jáne engizý bolyp tabylady.
3. Ulttyq komıssııanyń fýnksııalary
4. Mindetterine sáıkes Ulttyq komıssııaǵa mynadaı fýnksııalar júkteledi:
1) memlekettik aýdıtor biliktiligin berýge úmitker adamdardyń jeke isterin qaraý;
2) Ulttyq komıssııanyń quzyretine jatatyn máseleler boıynsha memlekettik organdarǵa jáne ózge de uıymdarǵa suraý salý jiberý jáne olardan aqparat alý;
3) memlekettik aýdıtor biliktiligin berý týraly sertıfıkat tapsyrý;
4) memlekettik aýdıtor biliktiligin berý týraly sertıfıkattyń kúshin joıý;
5) memlekettik aýdıtor biliktiligin berýge úmitker adamdarmen áńgimelesý ótkizý;
6) Ulttyq komıssııanyń quzyretine jatatyn máseleler boıynsha sheshimder qabyldaý;
7) Ulttyq komıssııanyń quzyretine jatatyn máselelerdi qaraýǵa memlekettik organdar men uıymdardyń, sondaı-aq memlekettik emes uıymdardyń laýazymdy adamdaryn jáne mamandaryn qajettiligine qaraı tartý;
8) Ulttyq komıssııanyń quzyretine jatatyn máseleler boıynsha normatıvtik quqyqtyq jáne quqyqtyq aktilerdi jetildirý jóninde usynystar ázirleý;
9) Ulttyq komıssııaǵa júktelgen mindetterdi iske asyrý úshin qajetti, Ulttyq komıssııasynyń Tóraǵasy belgilegen ózge de fýnksııalardy júzege asyrý.
4. Ulttyq komıssııanyń quramy jáne onyń qyzmetin uıymdastyrý
5. Ulttyq komıssııa Tóraǵadan jáne komıssııa múshelerinen turady.
6. Respýblıkalyq bıýdjettiń atqarylýyn baqylaý jónindegi esep komıtetiniń Tóraǵasy Ulttyq komıssııanyń Tóraǵasy bolyp tabylady.
Ulttyq komıssııanyń jumys organy Respýblıkalyq bıýdjettiń atqarylýyn baqylaý jónindegi esep komıteti (budan ári – Esep komıteti) bolyp tabylady.
Ulttyq komıssııanyń Tóraǵasy osy tarmaqtyń tórtinshi bóliginde kórsetilgen uıymdar basshylarynyń usynystary negizinde Ulttyq komıssııanyń derbes quramyn bekitedi.
Ulttyq komıssııanyń quramyna Qazaqstan Respýblıkasy Prezıdenti Ákimshiliginiń, Qazaqstan Respýblıkasy Úkimetiniń, Esep komıtetiniń, ishki memlekettik aýdıt jónindegi ýákiletti organnyń ókilderi, Qazaqstan Respýblıkasy Parlamentiniń depýtattary (kelisim boıynsha) kiredi.
Ulttyq komıssııa Qazaqstan Respýblıkasy Prezıdenti Ákimshiliginiń, Qazaqstan Respýblıkasy Úkimetiniń, Qazaqstan Respýblıkasy Parlamentiniń (kelisim boıynsha) ókilderinen, ishki memlekettik aýdıt jónindegi ýákiletti organnyń eki ókilinen jáne Esep komıtetiniń úsh ókilinen turady.
О́kildik saıası jáne/nemese «A» korpýsynyń memlekettik ákimshilik qyzmetshileri deńgeıinde qamtamasyz etiledi.
7. Ulttyq komıssııanyń Tóraǵasy:
1) Ulttyq komıssııanyń qyzmetine jalpy basshylyqty júzege asyrady;
2) Ulttyq komıssııa otyrystarynyń ótkiziletin orny men ýaqytyn belgileıdi;
3) Ulttyq komıssııanyń otyrystarynda tóraǵalyq etedi;
4) Ulttyq komıssııanyń derbes quramyn bekitedi;
5) Ulttyq komıssııanyń jumys josparyn jáne áńgimelesý kestesin bekitedi;
6) Ulttyq komıssııanyń músheleri oryndaýǵa mindetti nusqaýlar beredi;
7) Ulttyq komıssııa beretin memlekettik aýdıtor biliktiligin berý týraly sertıfıkatqa qol qoıady.
Ulttyq komıssııanyń tóraǵasy bolmaǵan kezde onyń fýnksııalaryn Ulttyq komıssııanyń tóraǵasy aıqyndaıtyn komıssııa múshesi atqarady.
8. Ulttyq komıssııanyń sheshimderi Ulttyq komıssııanyń Tóraǵasy jáne hatshysy qol qoıatyn hattamamen resimdeledi, ol Esep komıtetiniń ınternet-resýrsy arqyly qalyń kópshilik nazaryna jetkiziledi.
9. Ulttyq komıssııanyń sheshimderi ashyq daýys berý arqyly qabyldanady jáne eger daýys berýge qatysyp otyrǵan Ulttyq komıssııa músheleriniń jalpy sanynyń basym kópshiligi olarǵa daýys berse, sheshimder qabyldandy dep sanalady. Daýystar teń bolǵan jaǵdaıda, Ulttyq komıssııanyń Tóraǵasy daýys bergen sheshim qabyldandy dep esepteledi.
Ulttyq komıssııa músheleriniń erekshe pikir aıtýǵa quqyǵy bar, ol bildirilgen jaǵdaıda, jazbasha túrde baıandalýǵa tıis.
Daýys berýdi Ulttyq komıssııanyń músheleri almastyrý quqyǵynsyz júzege asyrady.
10. Daýys berýdiń nátıjeleri osy Erejege qosymshaǵa sáıkes nysan boıynsha Ulttyq komıssııa músheleriniń daýys berý nátıjeleri esepke alý paraǵyna engiziledi.
Ulttyq komıssııanyń músheleri onyń otyrystaryna qatysady, sondaı-aq Tóraǵanyń tapsyrmalaryn oryndaıdy.
12. Ulttyq komıssııanyń hatshysy Ulttyq komıssııanyń qyzmetin qamtamasyz etýge jaýapty Esep komıteti qurylymdyq bólimshesiniń basshysy bolyp tabylady.
Komıssııa hatshysy:
1) Ulttyq komıssııanyń otyrysyn ol júrgizilgenge deıin keminde bes jumys kúni buryn onyń múshelerin kezekti otyrystyń ótkiziletin kúni, orny jáne kún tártibi týraly jazbasha túrde habardar ete otyryp uıymdastyrady;
2) aldaǵy bolatyn otyrysqa qajetti materıaldardy taratýdy júzege asyrady;
3) óz ókilettikteri sheginde Ulttyq komıssııa Tóraǵasynyń tapsyrmalaryn oryndaıdy.
13. Ulttyq komıssııanyń jumysy bekitilgen jospardyń negizinde júzege asyrylady. Ulttyq komıssııanyń otyrysy qajettiligine qaraı, onyń músheleriniń keminde jartysy qatysqan jaǵdaıda, biraq jylyna retten sıretpeı ótkiziledi.
Respýblıkalyq bıýdjettiń atqarylýyn baqylaý jónindegi esep komıtetiniń
2015 jylǵy 21 jeltoqsandaǵy № 23-n/q normatıvtik qaýlysyna qosymsha
nysan
Ulttyq komıssııa músheleriniń daýys berýi nátıjelerin esepke alý paraǵy
201__jylǵy ____ __________
(otyrys ótkizý kúni)
Ulttyq komıssııa múshesi ____ ___________________________________________
(AÁT)
jaqtaý qarsy bolý
Barlyǵy
Daýys berý nátıjeleri ___________________
* tıisti sandar qoıylatyn «Barlyǵy» degen joldy qospaǵanda, «Daýys berý» degen jáne «Daýys bergen joq» degen baǵandarynda «+» degen nemese «-» belgiler qoıylady.
Ulttyq komıssııa múshesiniń otyrysta bolmaǵany týraly tıisti belgi qoıylady.
Qaýly Qazaqstan Respýblıkasynyń Ádilet mınıstrliginde 2015 jylǵy 30 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine № 12680 bolyp engizildi.