Slovakııanyń ásire ońshyl partııasy eldiń Eýroodaqtan shyǵý jóninde referendým ótkizýge qol jınaıtyn petısııasy iske qosyldy.
RIA «Novostı» aqparyna qaraǵanda, Halyq partııasy muny Ulybrıtanııada 23 maýsym kúni ótken referendýmnyń qorytyndysyna qanaǵattanǵandyqtan bastaǵan. Endi referendým júrýi úshin keminde 350 myń qol jınalýy tıis. Sol kezde petısııanyń referendým ótkizýge kúshi jetedi.
«Ulybrıtanııa azamattary Brıýsseldiń dıktatýrasynan bas tartýǵa sheshim qabyldady. Slovakııaǵa da Eýropanyń batyp bara jatqan «Tıtanıgin» tastap shyǵatyn ýaqyt keldi», - delingen partııanyń málimdemesinde.
Maýsymnyń 25-i kúni Fınlıandııada da eldi Eýroodaqtan shyǵarýdy maqsat tutatyn referendým ótkizý úshin petısııaǵa qol qoıý sharasy bastalyp ketti.
Eske sala keteıik, osynyń aldynda Ulybrıtanııada ótken referendýmda daýys berýshilerdiń 51,9 paıyzy eldiń Eýroodaq quramynan shyǵýyn qalaǵan edi.
Talǵat RAIYMBEK.