Elordada el Táýelsizdiginiń 25 jyldyq mereıtoıyna oraı, «Qýatty óńir – qýatty Qazaqstan» aksııasynyń aıasynda Pavlodar oblysynyń kúnderi ótip jatqany belgili. Búgin «Han Shatyr» SOO aldyndaǵy alańda pavlodarlyq aýyl sharýashylyǵy taýarlaryn óndirýshilerdiń jármeńkesi bastaldy, dep habarlady «Egemen Qazaqstan» tilshisi.
Eki kúnge sozylatyn jármeńkege oblystan 200 mln teńgeniń 700 tonnadan astam taýary jetkizilipti. Onyń 90 tonnadan astamy et pen et ónimderi, 300 tonnasy kartop, 140 tonnasy kókónis, 150 tonnasy basqa da azyq-túlikter.
– Oblystyń barlyq óńirinen 100-den astam kásiporyn men aýylsharýashylyq qurylymy jalpy somasy 200 mln teńgeden astam ónim ákelip otyr. Bizdiń kásiporyndardyń ónimderi Astanada suranysqa ıe degen senimdemiz. Ásirese, Pavlodarda shyǵatyn et pen sút ónimderi. Jármeńkede elordalyqtarǵa qolaıly baǵamen azyq-túlik ónimderiniń keńeıtilgen assortımenti usynylýda, – dedi oblys ákiminiń orynbasary Baýyrjan Qasenov.
Arnur ASQAROV