Búgin túnde Astananyń Esil aýdanyn Túrkistan kóshesinde ornalasqan 21 qabatty turǵyn úıdiń 15-qabatyndaǵy páterde órt shyqty, dep habarlaıdy Egemen.kz Tótenshe jaǵdaılar mınıstrligine silteme jasap.
Habarlama túskennen keıin TJM kúshteri men quraldary oqıǵa ornyna jedel jetti. Alǵashqy bólimsheler kelgen kezde páter ashyq jalynmen janyp jatqany anyqtalǵan.
О́rtti sóndirý barysynda janyp jatqan páterden kúıik alǵan áıel qutqarylyp, jedel járdem brıgadasyna tapsyryldy. Ol №1 kópsalaly qalalyq aýrýhanaǵa jetkizildi. Oqıǵa ornynan úsh kámeletke tolmaǵan balanyń máıiti tabyldy.
TJM kúshteri joǵarǵy qabattardan 20 adamdy evakýasııalady, taǵy 40-qa jýyq adam ǵımarattan óz betinshe shyqqan. О́rt tolyq sóndirildi. О́rttiń shyǵý sebebi anyqtalyp jatyr.
Ákimdik málimetinshe, zardap shekken áıelge jáne qaza tapqandardyń otbasyna qajetti jan-jaqty kómek kórsetiledi. Jaǵdaı erekshe baqylaýǵa alyndy.
Sátbaevta kópqabatty úıden órt shyqty: 4 bala qutqaryldy