Jaýapty yntymaqtastyq jalǵasady

Máýlen Áshimbaev meımanǵa iltıpat bildire kele, ózara senim men dostyqqa negizdelgen joǵary deńgeıdegi dıalogtiń arqasynda qazirgi tańda Qazaqstan men Qyrǵyzstan arasyndaǵy qarym-qatynas dáıekti túrde damyp kele jatqanyn atap ótti. Sonyń nátıjesinde ekijaqty yntymaqtastyq sapalyq turǵydan jańa deńgeıge kóterilip otyr. Osyǵan baılanysty ol eki el basshylarynyń bastamalaryn zańnamalyq turǵydan qoldaýdyń jáne parlamentaralyq baılanystardy, sonyń ishinde halyqaralyq uıymdar aıasyndaǵy ózara is-qımyldy jandandyrýdyń mańyzyna nazar aýdardy.

«Qazaqstan Prezıdenti Qasym-Jomart Toqaev Qazaqstan men Qyrǵyzstan tek tatý kórshi emes, ǵasyrlarmen ólshenetin ortaq tarıh, mádenıet jáne dástúr biriktiretin baýyr­las halyqtar ekenin únemi aıtyp keledi. Búginde eki el arasynda senimdi saıası dıalog­ke, ózara qoldaý­ǵa jáne kópdeń­geıli ynty­maq­tastyqqa negiz­delgen berik seriktestik dáıekti túrde damyp keledi. Memle­ket bas­shylarynyń kúsh-jigeriniń arqasynda odaqtastyq qatynastarymyz nyǵaıyp, ekijaqty yntymaqtastyq sapa­lyq tur­­ǵydan jańa deńgeıge kóterildi. Qyrǵyz­stan Prezıdenti Sadyr Japarovtyń 2024 jyly Astanaǵa jáne Qazaqstan Prezı­denti Qasym-Jomart Toqaevtyń 2025 jylǵy tamyz­da Bishkekke jasaǵan resmı sapar­lary ekijaqty yntymaqtastyqty odan ári ny­ǵaıtýǵa tyń serpin berdi. Búginde eki el ara­syndaǵy parlamentaralyq baılanystar da qarqyndy damyp otyr», dedi M.Áshimbaev.

Sondaı-aq palata tóraǵasy О́ńirlik ekologııalyq sammıtke, Halyq­­aralyq Araldy qutqarý qory­nyń qu­ryl­taıshy memleketteri bas­shy­lary­nyń otyrysyna qatys­qany jáne Túrki memleketteri uıymy­nyń Túrkistandaǵy sammıtinde kóteril­gen bastamalardy qoldaǵa­ny úshin qyrǵyz tarapyna alǵys bildirdi.

Kezdesý barysynda Máýlen Áshimbaev Memleket basshysynyń bastamasymen Qazaqstanda júzege asyrylyp jatqan reformalarǵa da toqtalyp ótti. Sonyń ishinde konstıtýsııalyq reformanyń nátıjelerine erekshe mán berildi.

«Prezıdentimiz Qasym-Jomart Toqaevtyń bastamasymen Qazaq­standa aýqymdy jańǵyrý úderisteri júzege asyrylyp jatyr. Konstıtý­sııa­lyq reforma – sol aýqymdy jańǵyrtýlardyń dáıekti jalǵasy. Jańa Konstıtýsııanyń qabyldanýy Qazaqstan úshin tarıhı oqıǵa ekeni anyq. Konstıtýsııalyq reformanyń strategııalyq maqsaty – táýelsizdikti kúsheıtý, memlekettilikti nyǵaıtý jáne azamattardyń ál-aýqatyn arttyrý. Jańa Konstıtýsııa – jahandyq syn-qaterlerge der kezinde berilgen jaýap ári memlekettiń uzaqmerzimdi turaqtylyǵynyń berik negizi. Reforma azamattardyń quqyqtaryn qor­ǵaý­ǵa, adam kapıtalyn damytýǵa jáne eldegi qoǵamdyq kelisimdi saqtaýǵa baǵyt­talǵan zamanaýı ári tıimdi saıası júıe qalyptas­tyrýǵa jol ashyp berdi», dedi M.Áshimbaev.

Sonymen qatar taraptar Joǵary Eýrazııalyq ekonomıkalyq keńestiń otyrysy men V Eýrazııalyq ekono­mıkalyq forýmnyń qorytyn­dysy­na nazar aýdardy. Bul rette Qazaq­stan men Qyrǵyzstan parla­ment­teriniń aldynda joǵary deńgeı­de qol jetkizilgen ýaǵdalas­tyqtar­dy zańnamalyq turǵydan qamta­ma­syz etý mindeti turǵany aıtyldy. Ekonomıkanyń negizgi salalaryn sıfrlandyrýǵa jáne jasandy ıntel­lekt tehnologııalaryn ózara múd­delerdi eskere otyryp qaýipsiz engizýge arnalǵan biryńǵaı quqyqtyq bazany jedel qalyptastyrý máseleleri de sóz boldy. Sondaı-aq óńiraralyq yntymaqtastyqtyń áleýetin damytýǵa qatysty mindetter aıqyndaldy.

О́z kezeginde Marlen Mamatalıev Qazaq­standa júzege asyrylyp jatqan áleýmet­tik-ekonomıkalyq jáne saıası refor­malarǵa joǵary baǵa berip, parlament­ara­lyq yntymaqtastyqty nyǵaıtýǵa múddeli ekenin bildirdi, sondaı-aq saýda-ekonomı­kalyq jáne mádenı-gýmanıtarlyq baılanystardy keńeıtýge baǵyttalǵan birlesken jobalardy zańnamalyq turǵydan qamtamasyz etý máselelerine qyzyǵý­shylyq tanytty.