2015 jylǵy 15 jeltoqsan, Astana qalasy
Qazaqstan Respýblıkasynda qurylysqa arnalǵan jobalaý jumystarynyń qunyn aıqyndaý jónindegi Memlekettik normatıvti bekitý týraly
Qazaqstan Respýblıkasy Úkimetiniń 2014 jylǵy 24 qyrkúıektegi № 1011 qaýlysymen bekitilgen Qazaqstan Respýblıkasynyń Ulttyq ekonomıka mınıstrligi týraly erejeniń 17-tarmaǵynyń 12) tarmaqshasyna jáne Qazaqstan Respýblıkasy Ulttyq ekonomıka mınıstriniń 2014 jylǵy 29 qyrkúıektegi № 30 buıryǵymen (normatıvtik quqyqtyq aktilerdi memlekettik tirkeý Tiziliminde № 9778 tirkelgen) bekitilgen Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti týraly erejeniń 19-tarmaǵynyń 2-tarmaqshasyna sáıkes buıyramyn:
1. Qosa berilip otyrǵan Qazaqstan Respýblıkasynda qurylysqa arnalǵan jobalaý jumystarynyń qunyn aıqyndaý jónindegi Memlekettik normatıv bekitilsin.
2. Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıtetiniń Qurylystaǵy smetalyq normalar basqarmasy zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryq memlekettik tirkeýden ótkennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrligi Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıtetiniń resmı ınternet-resýrsynda ornalastyrylýyn qamtamasyz etsin.
3. Osy buıryqtyń oryndalýyn baqylaýdy ózime qaldyramyn.
4. Osy buıryq alǵash ret resmı jarııalanǵan kúninen keıin on kúntizbelik kún ótken soń qoldanysqa engiziledi.
Tóraǵa M. JAIYMBETOV
Qazaqstan Respýblıkasy Ulttyq ekonomıka mınıstrliginiń Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti tóraǵasynyń 2015 jylǵy 15 jeltoqsandaǵy
№ 399-nq buıryǵymen bekitilgen
Qazaqstan Respýblıkasynda qurylysqa arnalǵan jobalaý jumystarynyń qunyn
aıqyndaý jónindegi memlekettik normatıv
1. Jalpy erejeler
1. Osy «Qazaqstan Respýblıkasynda qurylysqa arnalǵan jobalaý jumystarynyń qunyn aıqyndaý jónindegi memlekettik normatıv» (budan ári – Memlekettik normatıv) Qazaqstan Respýblıkasynda jobalaý (jobalaý-smetalyq) qujattamany ázirleý qunyn aıqyndaýdyń mindetti sabaqtastyǵyn belgileıdi.
2. Memlekettik normatıv ınvestısııalyq-qurylys prosesine qatysatyn barlyq sýbektiler úshin jobalaý jumystarynyń aǵymdaǵy baǵadaǵy qunyn aıqyndaýǵa múmkindik beretin biryńǵaı ádisnamalyq negiz qurý úshin negiz bolyp tabylady.
3. Osy Memlekettik normatıvte jazylǵan normatıvtik-ádistemelik erejeler kásiporyndardy, ǵımarattar men qurylystardy salýǵa, olardy keńeıtýge, rekonstrýksııalaýǵa jáne tehnıkalyq jaǵynan qaıta jaraqtandyrýǵa arnalǵan, sondaı-aq memlekettik ınvestısııalardyń esebinen nemese kvazımemlekettik sektor sýbektileriniń qarajaty esebinen júrgiziletin eldi mekenderdi aýdandyq josparlaý jáne qurylysyn salý jobalaryn ázirleýdiń qunyn aıqyndaýdyń mindetti sabaqtastyǵy belgilenedi.
4. Basqa kózderdiń esebinen qarjylandyrylatyn obektiler úshin Memlekettik normatıv usynymdyq sıpatqa ıe bolady jáne jobalaý (jobalaý-smetalyq) qujattamasyn ázirleýdiń qunyn aıqyndaý kezinde anyqtamalyq materıal retinde paıdalanylýy múmkin.
5. Osy Memlekettik normatıvte mynadaı negizgi uǵymdar paıdalanylady:
1) jobalaý jumystarynyń quny – jobalaý obektileriniń osy túrine jobalaýshylardyń eńbek shyǵyndary normatıvteriniń negizinde somasy anyqtalatyn obektilerdi jobalaýdy júzege asyrý úshin qajetti aqsha qarajaty;
2) jobalaý jumystarynyń eńbek syıymdylyǵy – jobalaý jumystarynyń belgili bir birlikterin oryndaýǵa jumsalǵan jumys ýaqytynyń shyǵyndaryn sıpattaıtyn ekonomıkalyq kórsetkish;
3) jobalaý jumystaryna jumsalatyn eńbek shyǵyndarynyń normalary – jobalaý jumystarynyń bir birligine (tabaq, bólshek, oıyq, syzbalar, ǵımarat alańdary jáne t.b.) jumsalǵan jumys ýaqytynyń mólsherimen ólshenedi;
4) jobanyń bas ınjeneri, bas sáýletshisi – tıisti biliktilik attestaty bar, obektini jobalaýdyń, salýdyń, qoldanysqa engizýdiń jáne jobalaý qýattaryn ıgerýdiń barlyq kezeńi boıy jobalaý-smetalyq qujattamany ázirleýge, jobalaý-izdestirý jumystaryna basshylyq jasaıtyn ınjenerlik-tehnıkalyq qyzmetker;
5) jobalaý (jobalaý-smetalyq) qujattama – kólemdik-josparlaý, konstrýksııalyq, uıymdastyrý-tehnologııalyq sheshimderdi, naqty ǵımaratty, qurylysty, obektini salýdyń qunyn jáne ekonomıkalyq jaǵynan tıimdiligin negizdeıtin grafıkalyq, eseptik jáne mátindik materıaldardyń jıyntyǵy.
2. Negizgi erejeler
6. Osy Memlekettik normatıv kásiporyndardy, ǵımarattar men qurylystardy salýǵa, olardy keńeıtýge, rekonstrýksııalaýǵa jáne tehnıkalyq jaǵynan qaıta jaraqtandyrýǵa arnalǵan, sondaı-aq eldi mekenderdi aýdandyq josparlaý jáne qurylysyn salý jobalaryn ázirleýge arnalǵan jobalaý-smetalyq qujattamany ázirleý qunyn aıqyndaý jónindegi nusqaýlardy qamtıdy.
7. Jobalaý-smetalyq qujattamany ázirleý quny Jobalaý jumystaryna jumsalatyn eńbek shyǵyndarynyń normalar jınaǵynyń (budan ári – Jınaq) tıisti bólimderinde kórsetilgen jobany ázirleýge arnalǵan normatıvtik eńbek syıymdylyǵy kórsetkishteriniń negizin esepteýmen aıqyndalady.
8. Memlekettik normatıvke sáıkes bólimder boıynsha aıqyndalatyn jobalaý-smetalyq qujattamany ázirleýge jumsalatyn eńbek shyǵyndarynyń normalary:
1) qurylys salý alańynyń sheginde bas jospardy jobalaýdy;
2) jobalaý qujattamasynyń sáýlet-qurylys, tehnologııalyq, smetalyq jáne basqa da bólimderin, sondaı-aq qoldanystaǵy normatıvtik qujattardyń talaptaryna sáıkes kásiporyndardy, ǵımarattardy jáne qurylystardy salýǵa arnalǵan jumys qujattamasynyń tıisti negizgi jıyntyqtaryn daıyndaýdy;
3) alańishilik jáne syrtqy ınjenerlik jelilerdi, kommýnıkasııalardy, qurylystardy jáne qurylǵylardy (elektrmen jabdyqtaý, sýmen jabdyqtaý, káriz, jylýmen jabdyqtaý, álsiz toqty jeliler jáne t.b.) jobalaýdy;
4) obektilerdi, qurylǵylardy jáne qurylystardy alańishilik jáne syrtqy ınjenerlik jelilerge qosýdy qamtıdy.
9. Jobalaý-smetalyq qujattamany ázirleýge jumsalǵan eńbek shyǵyndarynyń normalary negizinde eseptelgen jobalaý jumystarynyń qunyna, sondaı-aq, maketterdi qospaǵanda, eskızder, kórsetý materıaldaryn daıyndaý (kelisý úshin qajetti kólemde) qyzmetteri kiredi.
10. Jobalaý-smetalyq qujattamany ázirleýge jumsalǵan eńbek shyǵyndarynyń normalaryna tómendegiler qosylmaǵan jáne qosymsha eseptemeni talap etedi:
1) jobalaýǵa arnalǵan tapsyrmaǵa sáıkes birneshe nusqada jobalyq sheshimderdi ázirleý;
2) erekshe kúrdeli konstrýksııalary jáne jumys júrgizý ádisteri bar obektilerdi jobalaý kezinde arnaıy jáne qosalqy quraldarǵa, qurylǵylarǵa jáne qondyrǵylarǵa arnalǵan jumys syzbalaryn ázirleý;
3) qurylystyń normatıvtik qujattamasynyń ózgerýine baılanysty tapsyrý-qabyldaý aktisi boıynsha jumystardy tapsyrys berýshige tapsyrǵannan keıin jobalaý-smetalyq qujattamany túzetý;
4) ǵımarattar men qurylystardyń kórkemdik-sándik sheshimderin ázirleý (ıntererler, jeke jıhaz, jabdyq, dızaın jáne jarnama elementteri, arnaıy grafıka, ózge de kórkemdik jumystar);
5) konstrýksııalardy zaýytta daıyndalǵan tehnologııalyq qubyrlardy, sondaı-aq úlgilik emes jáne standarttyq emes jabdyqtardy qosa alǵanda, metall konstrýksııalarynyń bólshektik syzbalary satysynda jobalaý (jobalaý uıymynyń tapsyrys berýshisi osyndaı jumystardy tapsyrǵan jaǵdaıda);
6) rekonstrýksııalaýǵa, keńeıtýge nemese tehnıkalyq jaǵynan qaıta jaraqtandyrýǵa jatatyn obekti boıynsha zerttep tekserý jáne ólsheý jumystary;
7) úlgilik emes, standarttyq emes jabdyqty daıyndaýǵa arnalǵan konstrýktorlyq qujattama ázirleý;
8) jeke ındýstrııalyq qurylys buıymdaryna arnalǵan qujattamany ázirleý;
9) kórsetý maketterin, býkletter jáne basqa ıllıýstrasııalyq materıaldar daıyndaý;
10) jumys júrgizý jobasyn ázirleý;
11) ýaqytsha ǵımarattar men qurylystar salý úshin jobalaý-smetalyq qujattama ázirleý;
12) jobalaý kezindegi ǵylymı-zertteý jáne tájirıbelik-konstrýksııalyq jumystar;
13) izdestirý jumystaryna jumsalatyn shyǵyndar;
14) energııa tutynýdy esepke alýdyń avtomattandyrylǵan júıeleri boıynsha jobalaý jumystary;
15) alań syrtyndaǵy jelilerge arnalǵan jobalaý jumystaryn ázirleý;
16) jeke turatyn, jalpy aýdandyq (jalpy oramdyq) ınjenerlik qurylystardy: jeke jylý pýnktin, taratqysh transformatorlyq kishi stansııalardy, transformatorlyq kishi stansııalardy ázirleý;
17) drenajdy jobalaý;
18) kúzet-qorǵanys deratızasııalaý júıesin, arnaıy kúzet sıgnalızasııasy, órt sóndirý, órtke qarsy jeldetý, teledıdardy ujymdyq qabyldaýdyń iri júıeleri, elektr baılanysy júıeleri men basqa da arnaıy júıelerdiń qurylǵylaryn ázirleý;
19) azamattyq qorǵanys pen tótenshe jaǵdaılarǵa baılanysty ınjenerlik-tehnıkalyq is-sharalar ázirleý;
20) tehnologııalyq prosesterdi basqarýdyń avtomattandyrylǵan júıeleri boıynsha tehnıkalyq qujattama ázirleý;
21) qurylys salýdyń arnaıy ádisterin (sý deńgeıin tómendetý, muzdatý, topyraqty hımııalyq bekitý jáne basqa ádisterdi) jobalaý;
22) mindetti jobalyq sheshimderge qosymsha kelisimder alý jónindegi jumystar;
23) jobalaý uıymdarynyń qurylys salýǵa arnalǵan alańdy (trassany) tańdaýǵa qatysýy;
24) avtorlyq qadaǵalaý;
25) iske qosý keshenderin ázirleý;
26) Jınaqtyń tıisti bólimderine engizilgen «Qorshaǵan ortany qorǵaý» bóliminen basqa, kúrdeli qurylys obektisiniń qorshaǵan ortaǵa áserin baǵalaý jónindegi jumystardy oryndaý.
11. Osy Memlekettik normatıv boıynsha eńbek shyǵyndarynyń normalary negizinde aıqyndalatyn jobalaý-smetalyq qujattamany ázirleý qunyna, sondaı-aq, mynadaı shyǵystar engizilmegen jáne tapsyrys berýshi olarǵa aqy tóleýge tıis:
1) qosylǵan qun salyǵy;
2) ákimshilik personaldyń issaparlaryn qospaǵanda, obektiniń qurylys uıymy ornalasqan pýnktten tys jobalanýyna baılanysty jáne jobalyq sheshimderdi jergilikti jerde qabyldaý talap etiletin issapar shyǵystary.
12. Sondaı-aq jobalaý-smetalyq qujattama ázirleýdiń normatıvtik qunyna tómendegi qyzmetter kirmeıdi jáne tapsyrys berýshi olarǵa qosymsha aqy tóleýge tıis (qajet bolǵan jaǵdaıda nemese shart boıynsha tapsyrys berýshiniń qosymsha tapsyrmalary bolǵanda):
1) jobalaýǵa arnalǵan tapsyrmany daıyndaý;
2) bastapqy derekter men tehnıkalyq sharttardy kelisý;
3) jobalaý-smetalyq qujattamany shet tilinen jáne basqa shet tiline aýdarý;
4) jobalaý-smetalyq qujattamanyń mindetti tórt danadan tys qosymsha sandaryn daıyndaý.
13. Saraptama jumystaryn júrgizý quny (memlekettik saraptama, ekologııalyq saraptama jáne t.b.) jobalaý-smetalyq qujattamany ázirleý qunyna kirmeıdi.
3. Jobalaý jumystarynyń qunyn aıqyndaýdyń negizgi qaǵıdattary jáne ádisteri
14. Qurylysqa arnalǵan jobalaý jumystarynyń quny jobalanatyn obektilerdiń: qýatynyń, uzaqtyǵynyń, qurylys kólemi men alańynyń jáne t.b. negizgi kórsetkishteri (budan ári – jobalanatyn obektilerdiń negizgi kórsetkishteri dep atalatyn) negizge alynyp aıqyndalady.
15. Jobalaý jumystarynyń quny Sjob, teńge, myna formýla boıynsha anyqtalady (1):
Sjob = EShNjalp × P(ki) × k1(2) × (Zp / kz), (1)
munda:
EShNjalp – negizgi óndiristik personaldyń jumys qujattamasyn ázirleýge jumsaǵan eńbek shyǵyndarynyń jalpy normalary, adam-saǵat;
P(ki) – Memlekettik normatıvke sáıkes 1, 2, 3-qosymshalarǵa saı túzetý (dáldeý) koeffısıentteriniń týyndysy. Túzetý koeffısıentteriniń týyndysy (rekonstrýksııalaý koeffısıentinsiz) 2,0-den aspaýǵa tıis;
k1(2) – satylyq koeffısıenti: k1 – jobany ázirleýge jumsalatyn eńbek shyǵyndary normalarynyń jumys qujattamasyn ázirleýge jumsalatyn eńbek shyǵyndary normalaryna qatynasy jáne k2 – jumys jobasyn ázirleýge jumsalatyn eńbek shyǵyndary normalarynyń jumys qujattamasyn ázirleýge jumsalatyn eńbek shyǵyndary normalaryna qatynasy;
Zp – Qazaqstan Respýblıkasyndaǵy jobalaý jumystaryn júrgizýdiń josparlanatyn kezeńine (qarjy jylyna) jobalaýshylarǵa ortasha saǵattyq eńbek aqy tóleý. Ortasha saǵattyq eńbek aqy Zp tóleýdi Qazaqstan Respýblıkasynyń qoldanystaǵy eńbek zańnamasyna sáıkes ýákiletti memlekettik organ, qyzmetkerler men jumys berýshilerdiń ókilderi myna formýla (2) boıynsha anyqtaıdy:
Zp. = × , (2)
munda:
Zp ort.aı – josparlaý kezeńiniń aldyndaǵy sońǵy 12 aı ishindegi ekonomıkalyq qyzmettiń (kásiptik, ǵylymı jáne tehnıkalyq qyzmet) tıisti túri úshin memlekettik statıstıka salasyndaǵy ýákiletti organnyń derekteri boıynsha ortasha aılyq jalaqynyń shamasy, teńge;
Tjum.aı – Qazaqstan Respýblıkasynyń eńbek zańnamasyna sáıkes bir aıǵa teń kezeń ishinde jumys ýaqytynyń qalypty uzaqtyǵy, saǵat;
AEKaǵym – aǵymdaǵy jylǵy aılyq eseptik kórsetkish, teńge;
AEKald.jyl – aldyńǵy jyldaǵy aılyq eseptik kórsetkish, teńge;
Kj – jobalaý jumystary qunynyń qurylymyndaǵy negizgi óndiristik personal jalaqysynyń úlesi, kj = 0,35.
16. Negizgi óndiristik personaldyń EShNjalp jobasyn ázirleýge jumsaǵan eńbek shyǵyndarynyń jalpy normalary myna formýla boıynsha anyqtalady (3):
EShNjalp = EShNó.p. + EShNjob.bas., (3)
munda:
EShNó.p. –** «Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» 2001 jylǵy 16 shildedegi Qazaqstan Respýblıkasy Zańynyń 20-babynyń 23-16) tarmaqshasyna, Jınaqtyń tıisti bólimderine, sondaı-aq, jobalaý jumystaryn basqarýǵa jumsalatyn eńbek shyǵyndaryn qospaǵanda, osy Memlekettik normatıvtiń 2 jáne 3-tarmaqtaryna sáıkes bekitilgen, memlekettik normatıvtermen kózdelgen quramda jáne kólemde jobalaý-smetalyq qujattamasyn ázirleýge jumsalatyn negizgi óndiristik personaldyń eńbek shyǵyndarynyń normalary, adam-saǵat;
EShNjob.bas. – jobanyń bas ınjenerleriniń, jobanyń bas sáýletshileriniń jáne jobalaý jumystaryn basqarý jónindegi basqa da sanattardaǵy mamandardyń normatıvtik eńbek shyǵyndary, adam-saǵat, myna formýla boıynsha qabyldanady (4):
EShNjob.bas. = EShNp.p. × 0,1, (4)
17. EShNó.p. myna formýla boıynsha anyqtalady (5):
EShNó.p. = a + v × H , (5)
munda:
a jáne v – jobalanatyn obekt negizgi kórsetkishiniń belgili bir aralyǵyna arnalǵan turaqty shamalar;
H – jobalanatyn obektiniń negizgi zattaı kórsetkishi: qýaty, ónimdiligi (ónerkásiptik obektiler úshin), uzaqtyǵy (jelilik obektiler úshin), syıymdylyǵy, alańy jáne basqa kórsetkishter.
H negizgi kórsetkishi Jınaqtyń tıisti bóliminiń kestesinde kórsetilgen, berilgen mánderdiń sheginen tys shyqqan jaǵdaıda, H negizgi kórsetkishi ekstrapolıasııa ádisimen – basqa bólikke taratylǵan aralyqtyń berilgen bóligine arnalǵan fýnksııanyń jaqyn máni retinde anyqtalady, atap aıtqanda:
1) obekt qýatynyń kórsetkishi Jınaqtyń bóliminde, EShNó.p. keltirilgen kestelik kórsetkishten az bolǵan jaǵdaıda, onyń jobalanýy myna formýla boıynsha anyqtalady (6):
EShNó.p. = a + v × (0,4 × Hmin + 0,6 × Hber) , (6)
munda:
a jáne v – kórsetkishtiń eń az mániniń kestesi boıynsha qabyldanatyn turaqty shamalar;
Hmin – kestede keltirilgen eń az kórsetkish;
Hber – jobalanatyn obektiniń belgilengen kórsetkishi.
2) obekt qýatynyń kórsetkishi Jınaqtyń bóliminde, EShNó.p. keltirilgen kestelik kórsetkishten kóp bolǵan jaǵdaıda, onyń jobalanýy myna formýla boıynsha anyqtalady (7):
EShNó.p. = a + v × (0,4 × Hmax + 0,6 × Hber), (7)
munda:
a jáne v – kórsetkishtiń eń kóp mániniń kestesi boıynsha qabyldanatyn turaqty shamalar;
Hmax – kestede keltirilgen eń joǵary kórsetkish;
Hber – jobalanatyn obektiniń belgilengen kórsetkishi.
18. Joba aldyndaǵy qujattamany ázirleý qajet bolǵan jaǵdaıda, onyń quny jobalaýdyń jalpy qunynyń 15-ten 20 % deıingi mólsherinde qosymsha qabyldanady (joba jáne jumys qujattamasy).
19. Memlekettik normatıvtiń bólimderinde óndiristik jáne turǵyn úı-azamattyq maqsattaǵy obektiler men keshenderdiń jańa qurylysyn jeke jobalaýǵa jumsalatyn eńbek shyǵyndarynyń normalary keltirilgen.
20. Obektilerdi rekonstrýksııalaýǵa jáne tehnıkalyq jaǵynan qaıta jaraqtandyrýǵa arnalǵan jobalaý qujattamasyn ázirleý quny jobalanatyn obektiniń negizgi kórsetkishiniń máni negizge alyna otyryp, Jınaqtyń eńbek shyǵyndarynyń normalary boıynsha anyqtalady, oǵan jobanyń rekonstrýksııalanatyn obektileriniń bólimderi men bólikterine, biraq azamattyq maqsattaǵy obektiler boıynsha 1,5 aspaıtyn, jáne óndiristik maqsattaǵy obektiler boıynsha 2,0 aspaıtyn 3-qosymshada keltirilgen koeffısıentter eskerile otyryp, ony rekonstrýksııalaý, tehnıkalyq jaǵynan qaıta jaraqtandyrý nátıjesinde qol jetkizilýge tıis.
Injenerlik jelilerdi salýdyń ornyna rekonstrýksııalaýdy qoldaný dep kommýnıkasııalardyń qýaty men ónimdiligi ózgergen (ıaǵnı qubyrlardyń dıametri, kabelderdiń qımasy ulǵaısa), qubyrlardyń jańa tıimdi materıaldary, oqshaýlaǵysh qoldanylǵan, sondaı-aq kommýnıkasııalardyń ornalasqan jeri, trassanyń belgilenýi, tartý tásilderi jáne ınjenerlik jelilerdi basqa kózderge jalǵaý nemese qosý arqyly olardyń shemasy ózgergen kezde olardy qaıta tóseý jaǵdaılaryn esepteý qajet.
21. Kásiporyndy keńeıtýge arnalǵan jobalaý qujattamasyn ázirleý quny jańa qurylysqa arnalǵan qujattama quny sııaqty anyqtalady.
22. Kóp ret qoldanylatyn jobalardy (úlgilik jobalardy) ázirleý quny Jınaqtyń 1,5 deıingi koeffısıentter qoldanylatyn eńbek shyǵyndarynyń normalary boıynsha anyqtalady.
23. Úlgilik jobalardy nemese olarǵa elelýli ózgerister engizbesten (jobalaý qujattamanyń jalpy kólemine qatysty 10%-dan kem) qaıta qoldanylatyn jobalardy bekitý quny jeke jobalaý-smetalyq qujattamany ázirleý qunyna 0,35 koeffısıenti qoldanylatyn Jınaqtyń eńbek shyǵyndary normalary boıynsha (39-bólim boıynsha turǵyn úı-azamattyq mańyzy bar obektilerdi qospaǵanda) anyqtalady.
Úlgilik jobalardy nemese olarǵa elelýli ózgerister engize otyryp (jobalyq qujattamanyń jalpy kólemine qatysty 10%-dan artyq) qaıta qoldanylatyn jobalardy bekitý quny:
- 10-20% – jeke jobalaý-smetalyq qujattamany ázirleýdiń qunyna 0,45;
- 20-30% – jeke jobalaý-smetalyq qujattamany ázirleýdiń qunyna 0,55;
- 30-40% – jeke jobalaý-smetalyq qujattamany ázirleýdiń qunyna 0,65;
- 40-50% – jeke jobalaý-smetalyq qujattamany ázirleýdiń qunyna 0,70 koeffısıenti qoldanylatyn Jınaqtyń eńbek shyǵyndary normalary boıynsha anyqtalady.
24. Sehtardyń, ǵımarattardyń jáne qurylystardyń aınaly beınedegi úlgilik jobalaryn úlgilik jobada kózdelgen ornalasýyna qatysty bekitý kezinde, bekitý qunyna 1,2 koeffısıenti qoldanylady.
25. Qurylysty kezekter boıynsha salý kezinde kásiporyndar men qurylystardyń jumys jobalaryn (jobalardy) ázirleý quny jekelep alynǵanda árbir kezektiń negizgi kórsetkishteri negizge alynyp, Jınaq eńbek shyǵyndarynyń normalary boıynsha anyqtalady. Bul rette, qurylystyń birinshi kezegin jobalaý qunyna jumys jobasyn (jumys joba qujattamasynsyz) nemese barlyq keıingi kezekter jobasyn ázirleý qunynyń 20% deıin qosylady.
26. Birneshe úı-jaılardan, olardyń toptarynan, ártúrli qoǵamdyq jáne turǵyn úı maqsatyndaǵy ǵımarattar men qurylystardan turatyn kóp fýnksıonaldy ǵımarattar jáne qala qurylysy keshenderi jónindegi jobalaý qujattamasyn ázirleý quny keshendi nemese kóp fýnksıonaldy ǵımaratty quraıtyn árbir ǵımarat, qurylys boıynsha Jınaqtyń tıisti bólimderine sáıkes jeke-jeke anyqtalady jáne keıin somalar qosylady.
4 jáne odan da kóp fýnksııalardy biriktiretin kóp fýnksıonaldy ǵımarattardy jobalaý quny 1,2 deıingi koeffısıentpen anyqtalady.
27. Joǵary sáýlettik mańyzy bar biregeı obektiler men keshenderdiń sanatyna jatqyzylǵan obektilerdi salýǵa arnalǵan jobalaý-smetalyq qujattama ázirleý quny Jınaq eńbek shyǵyndarynyń normalary boıynsha anyqtalady; bul rette, ázirlenýi kúrdeli bolatyn jumys túrleriniń qunyna 1,2 koeffısıenti qoldanylady.
28. Qoldanystaǵy normatıvtik qujattarda kózdelgenderge qarsy qysqartylǵan quramda jáne kólemde (jobalaýǵa arnalǵan tapsyrma ózgergen kezde jobalaý-smetalyq qujattamanyń ózgerýi; jobanyń qosymsha nusqalaryn nemese jobalaýǵa arnalǵan tapsyrmaǵa sáıkes ázirlenetin jekelegen tehnologııalyq, konstrýksııalyq, sáýlettik jáne basqa da sheshimder ázirleý), sondaı-aq buryn paıdalanylǵan materıaldardy paıdalaný kezinde oryndaýǵa jatatyn jobalaý jumystarynyń quny jobalaý-smetalyq qujattamanyń salystyrmaly qunyna sáıkes ony ázirleýge jumsalǵan eńbek shyǵyndarynyń normalary boıynsha anyqtalady.
29. Eńbek shyǵyndarynyń normalarynda eskerilgen jobalaý qujattamasy jekelegen bólimderiniń quny Jınaqtyń bólimderinde keltirilgen salystyrmaly qun kesteleri boıynsha anyqtalady jáne ony jumystardy óz kúshterimen oryndaý kezinde de, sondaı-aq qosalqy merdigerlik jobalaý uıymdarymen kelisim boıynsha jumystardyń bir bóligin olarǵa berý kezinde de jobalaýdyń árbir kezeńi boıynsha jalpy qun sheginde jobalaý uıymy naqtylaýy múmkin.
Memlekettik normatıvte salystyrmaly qun kestelerinde bólinip kórsetilmegen jobalaý jumystarynyń basqa da túrleriniń salystyrmaly quny osyndaı túrde anyqtalýy múmkin.
Normalar jınaǵynda keltirilgen jańa qurylysqa arnalǵan jobalaý-smetalyq qujattamany ázirleýdiń salystyrmaly qunynyń kesteleri jumys istep turǵan kásiporyndardy, ǵımarattardy jáne qurylystardy rekonstrýksııalaýǵa jáne tehnıkalyq qaıta jaraqtandyrýǵa arnalǵan jobalaý-smetalyq qujattamany ázirleý qunyna qoldanylmaıdy. Jobalaý jumystarynyń osy túrlerin ázirleýdiń salystyrmaly qunyn anyqtaýdy (belgili bir jalpy qunnyń sheginde), ol bir jobalaý uıymynyń kúshimen oryndalǵan kezde oryndalatyn jumystardyń eńbek syıymdylyǵyine qaraı osy uıym júrgizedi. Qosalqy merdigerlik jobalaý uıymdaryn tartý arqyly oryndalatyn jumystar boıynsha jobalaý jumystarynyń salystyrmaly quny osy uıymdarmen kelisim boıynsha belgilenedi.
30. Jobalanatyn obekt bólim qunynyń kestesinde keltirilgen negizgi kórsetkishtiń eń az kórsetkishinen tómen nemese eń kóp kórsetkishinen joǵary mándi ıelengen jaǵdaıda, jumys qujattamasyn ázirleýdiń quny 17-tarmaqta keltirilgen formýlalarǵa (6, 7) sáıkes ekstrapolıasııalaý jolymen aıqyndalady.
31. Jınaqtaǵy normalar olar úshin keltirilmegen jáne uqsastyǵy boıynsha qabyldanbaıtyn obektilerdiń qurylysyna arnalǵan jobalaý qujattamasynyń eńbek shyǵyndarynyń normalary eńbek shyǵyndary boıynsha jeke eseppen anyqtalady (Memlekettik normatıvke 4-qosymshaǵa sáıkes №3P nysany boıynsha).
32. Memlekettik normatıvte kózdelmegen qosymsha jobalaý jumystaryn júrgizýge jumsalatyn eńbek shyǵyndarynyń normalary jekelegen jobalaý prosesteri men operasııalaryna, jobalaý jumystarynyń jeke ólshegishine jumsalatyn eńbek shyǵyndarynyń elementtik normalary boıynsha, nemese olar bolmaǵan jaǵdaıda – jobalaýshylardyń is júzindegi eńbek shyǵyndarynyń negizinde (Memlekettik normatıvke 4-qosymshaǵa sáıkes №3P nysany boıynsha) anyqtalady.
4. Jobalaýdyń eńbek syıymdylyǵyna áser etetin qosymsha faktorlar eskeriletin jobalaý jumystarynyń qunyn aıqyndaý jónindegi memlekettik normatıv
33. Jańa qurylys obektilerin qorshaǵan ortaǵa engizýdiń erekshe jaǵdaılarynda (tarıhı ortadaǵy, qorǵalatyn landshaft aımaǵyndaǵy, kúrdeli tyǵyz ornalasqan ýchaskedegi jáne t.b.) ony jobalaý kezinde sáýlet-qurylys bóligi, onyń ishinde bas jospar men abattandyrý boıynsha, sondaı-aq ınjenerlik qurylystarǵa, kommýnıkasııalarǵa jobalaý jumystarynyń quny Memlekettik normatıvterdiń 4-qosymshasynda keltirilgen, biraq 1,3 aspaıtyn koeffısıentter eskerile otyryp, belgilenedi.
34. Kúrdeli jaǵdaılarda kásiporyndardy, ǵımarattardy jáne qurylystardy salýǵa arnalǵan jobalaý qujattamasyn ázirleý quny Memlekettik normatıvtke 1 jáne 3-qosymshalarǵa sáıkes túzetý koeffısıentteri belgilengen tıisti normatıvtik qujattardy ázirleýge, jobalaý jumystarynyń qunyn qoldanyp, Jınaqtyń eńbek shyǵyndarynyń normalary boıynsha anyqtalady.
Eki jáne odan da kóp kúrdeli faktorlar bolǵan kezde koeffısıentter árbir faktor úshin qoldanylady.
35. Qaýipti fızıkalyq-geologııalyq prosester men qubylystardan (qar kóshkini, sel, qoparylystar jáne t.b.) arnaıy qorǵanys qurylystaryn jobalaýdyń quny eńbek shyǵyndary boıynsha qundy esepteý jolymen naqty jaǵdaılar negizge alyna otyryp anyqtalady jáne qosymsha aqy tólenedi.
36. Importtyq ınjenerlik jáne tehnologııalyq jabdyqtardy nemese neǵurlym jetildirilgen jańa úlgidegi jabdyqtardy qoldaný kózdeletin obektiler boıynsha jobalaý jumystarynyń quny olardyń qunyna osy jabdyqtardy qoldaný áser etetin bólimder boıynsha 1,2 koeffısıentterimen, ónerkásiptik óndiris obektileri boıynsha 1,5 koeffısıentterine deıin qabyldanady.
37. Obektilerdi sheteldik fırmalar jobalaǵan kezde jumys qujattamasyn ázirleý otandyq jobalaý uıymy tehnıkalyq súıemeldeý nysanynda qatysqan kezde júzege asyrylýy múmkin.
Qatysý nemese tehnıkalyq súıemeldeý dárejesi (jumystar men qyzmetter kólemi) sheteldik fırmamen jasalǵan shartta aıqyndalady.
Sheteldik fırma ázirleıtin jumys qujattamasyn tehnıkalyq súıemeldeýge baılanysty jumystardyń (qyzmetterdiń) quny qatysý (jumystar kólemi) dárejesine qaraı jumys qujattamasyn ázirleý qunynyń 25% deıingi mólsherde qabyldanady.
38. Jobalaý uıymdarynyń bas jobalaýshylardyń fýnksııalaryn júzege asyrýyna baılanysty shyǵyndary, qosalqy merdigerlikke mamandandyrylǵan jobalaý uıymdaryn tartý qajet bolǵan jaǵdaıda, qosalqy merdigerlik jobalaý uıymdaryna beriletin jobalaý-smetalyq qujattamany ázirleý qunynyń 5 % deıingi mólsherinde anyqtalady jáne olarǵa qosymsha aqy tólenedi.
39. Jınaqtyń eńbek shyǵyndarynyń normalary boıynsha jobalaý jumystarynyń qunyn anyqtaý kezinde jobalaýdyń ártúrli faktorlary bolǵan jáne osyǵan baılanysty birneshe koeffısıentter qoldanylǵan jaǵdaıda, jalpy koeffısıent olardy kóbeıtý jolymen anyqtalady.
Qazaqstan Respýblıkasynda qurylysqa arnalǵan jobalaý jumystarynyń
qunyn aıqyndaý jónindegi memlekettik normatıvke 1-qosymsha
nysan
Jobalaýdy kúrdelendiretin faktorlar bolǵan kezdegi túzetý koeffısıentteri
Jobalaýdy kúrdelendiretin faktorlar
Koeffısıent
«joba» satysynda «jumys jobasy» jáne «jumys qujattamasy» satylarynda
Shógetin jáne isinetin topyraqtar; karstyq jáne qar kóshkini qubylystary; qurylys alańynyń taý-ken qazbalarynyń ústinde, sý basatyn aımaqtarda ornalasýy 1,05 1,2
Seısmıkalyǵy 7 ball 1,05 1,2
Seısmıkalyǵy 8 ball 1,1 1,3
Seısmıkalyǵy 9 ball 1,1 1,4
Qazaqstan Respýblıkasynda qurylysqa arnalǵan jobalaý jumystarynyń
qunyn aıqyndaý jónindegi memlekettik normatıvke 2-qosymsha
nysan
Rekonstrýksııalaý túrleri boıynsha Kr koeffısıentiniń máni
№ Rekonstrýksııalaý (tehnıkalyq qyzmet kórsetý) boıynsha jumystardyń túrleri Rekonstrýksııalaý koeffısıentteriniń máni Kr
Azamattyq maqsattaǵy obektiler
1 Obektilerdi rekonstrýksııalaý
1.1 Jabyndardy, ınjenerlik maqsattaǵy júıelerdi aýystyryp, qasbetterdi ózgertpeı obektiniń maqsatyn saqtaý 1,05-1,10
1.2 bul da, qasbetterdi ózgertip, tereze konstrýksııalaryn jáne irgetastardy qaıta ornatý 1,10-1,20
1.3 bul da, kólemin ózgertýmen, tireýish konstrýksııalardy jáne irgetastardy kúsheıtýmen 1,20-1,30
1.4 bul da, ishki qańqany ornatýmen, ishki qorshaýlardy ishinara aýystyrýmen jáne qosymsha irgetastar ornatýmen 1,30-1,40
1.5 bul da, ǵımarattyń astyna kollektorlar, ótpe joldar, tonnelder salýmen 1,40-1,50
2 Azamattyq maqsattaǵy obektiler keshenin rekonstrýksııalaý
2.1 Qosymsha qurylystar salmastan, jeke turǵan ǵımarattardy biryńǵaı tehnologııalyq prosespen biriktirý kezinde 1,05-1,10
2.2 bul da, ótpe galereıalary, kólik baılanystary jáne t.b. túrindegi qosymsha qurylystar salýmen 1,10-1,15
2.3 bul da, tómengi qabattar boıynsha biriktiretin keńistik salý arqyly 1,15-1,20
2.4 Bir ǵımaratta ártúrli maqsattaǵy eki nemese odan da kóp obektiler salý kezinde 1,10-1,15
3 Qurylys salynǵan aýmaqtardy rekonstrýksııalaý
3.1 Bosatylatyn ýchaskelerdegi bar qordy jáne jańa qurylysty tolqyndy túrde kóshirý ádisimen rekonstrýksııalaýdy úılestirý arqyly qurylys salý tyǵyzdyǵyn ulǵaıtý
- 2 kezeńdik kóshirý kezinde 1,15
- 3 jáne odan da kóp kóshirý kezeńderinde árbir kezeńge 0,05 qosý
3.2 Buryn óndiristik, kommýnaldyq, qoıma maqsatynda paıdalanylǵan aýmaqtarda jańa qurylys salý 1,10-1,15
О́ndiristik maqsattaǵy obektiler
4 О́ndiristik maqsattaǵy obektilerdi rekonstrýksııalaý1) (jeke turǵan obektiler)
4.1 Qasbetterdi ózgertpesten, tehnologııalyq prosesi bar kólemniń sheginde jetildirýmen baılanysty úı-jaılardy ishinara qaıta josparlaı otyryp rekonstrýksııalaý 1,05-1,10
4.2 Jabyndardy aýystyrmastan tereze qýystarynyń ornalasý oryndaryn ishinara ózgerte otyryp, úı-jaılar bar kólemniń sheginde ishinara rekonstrýksııalaý 1,10-1,20
4.3 bul da, jabyndardy ózgertýmen jáne tireýish konstrýksııalardy jáne irgetastardy kúsheıtýmen 1,20-1,30
4.4 bul da, ǵımarattyń kólemin ózgertýmen, ishki qańqany ornatýmen 1,30-1,40
4.5 bul da, paıdalanylyp otyrǵan jerasty qurylǵysyn jasaýmen 1,40-1,50
5 О́ndiristik maqsattaǵy obektilerdiń keshenin rekonstrýksııalaý
5.1 Qasbetterdi jáne ınjenerlik qamtamasyz etý júıeleriniń ornalasý oryndaryn ózgertpesten, tehnologııalyq prosesi bar kólemniń sheginde jetildirýge baılanysty úı-jaılardy ishinara qaıta josparlaı otyryp rekonstrýksııalaý 1,10-1,20
5.2 Jabyndardy aýystyryp, tireýish konstrýksııalardy jáne irgetastardy kúsheıte otyryp rekonstrýksııalaý 1,20-1,30
5.3 bul da, ǵımarattyń kólemin ózgertýmen, qańqany ornatýmen 1,30-1,40
5.4 bul da, paıdalanylyp otyrǵan jerasty keńistigin jasaýmen 1,40-1,50
5.5 Biriktirgish qurylystardy salmastan jáne óndiristiń beıinin saqtaı otyryp, jeke turǵan obektilerdi biryńǵaı tehnologııalyq proseske engizý kezinde 1,05-1,10
5.6 bul da, ınjenerlik, kóliktik kommýnıkasııalar men ótpe galereıalary túrindegi biriktirgish qurylystardy salý arqyly 1,15-1,20
5.7 bul da, jeke turǵan ǵımarattardy tómengi qabattardyń sheginde biryńǵaı keńistikpen biriktirý arqyly 1,20-1,25
5.8 Jabdyqtardy jumys istep turǵan qýattardyń sheginde aýystyrý arqyly óndiristi rekonstrýksııalaý 1,15-1,30
5.9 bul da, kásiporynnyń óndiristik qýattaryn ulǵaıtý arqyly 1,30-1,50
6 Injenerlik qurylystar men kommýnıkasııalardy rekonstrýksııalaý
6.1 Júris bóligin keńeıtýmen jáne ótkizý qabiletin ulǵaıtýmen qala joldaryn, kóshelerin, magıstraldaryn rekonstrýksııalaý 1,20-1,30
6.2 Jumys istep turǵan kommýnıkasııalar men jylý jelileriniń arnalary jaǵdaıynda jabyndardy, qabyrǵalardy, araqabyrǵalardy aýystyryp, kollektorlardy rekonstrýksııalaý 1,20-1,40
6.3 Injenerlik jelilerdiń qýatyn, ónimdiligin, qubyrlardyń dıametrin jáne t.b. ózgertýmen rekonstrýksııalaý 1,1-1,3
7 Azamattyq qorǵanys obektileri
7.1 Azamattyq qorǵanys baspanasyn beıbit ýaqytta jańa maqsatta paıdalaný úshin rekonstrýksııalaý, jańǵyrtý, jetildirý nemese beıimdeý 1,1-1,2
7.2 Radıasııaǵa qarsy panany nemese B tıpindegi qurylysty beıbit ýaqytta jańa maqsatta paıdalaný úshin rekonstrýksııalaý, jańǵyrtý, jetildirý nemese beıimdeý 1,1-1,2
7.3 Zapastaǵy qalalyq basqarý pýnktterin (budan ári - ZQBP) rekonstrýksııalaý, jańǵyrtý, jetildirý nemese ony ZQBP úshin panaǵa beıimdeý 1,3-1,5
7.4 Kórsetilgen qurylysqa qondyrmany jobalaý kezinde baspanalardy jáne azamattyq qorǵanystyń basqa qurylystaryn rekonstrýksııalaý 1,4-1,6
Eskertpe:
1. Jumys istep turǵan kásiporyn jaǵdaıynda jobalaý jumystaryn oryndaý kezinde Kr koeffısentterine 1.1. túzetý ındeksin qoldaný qajet.
2. Ártúrli maqsattaǵy obektilerdi qaıta beıimdeý arqyly rekonstrýksııalaý kezinde 1,15 koeffısıenti engiziledi.
Qazaqstan Respýblıkasynda qurylysqa arnalǵan jobalaý jumystarynyń
qunyn aıqyndaý jónindegi memlekettik normatıvke 3-qosymsha
nysan
Qorshaǵan ortaǵa kiriktirýdiń erekshe sharttaryna arnalǵan túzetý koeffısıentteriniń mánderi
№ Obektini (qurylysty qosa alǵanda) qorshaǵan ortaǵa kiriktirý sharttary Koeffısıentterdiń máni Keste pýnktteri boıynsha eskertpeler
1 Tarıhı ortadaǵy (tarıh jáne mádenıet eskertkishteriniń aýmaǵyndaǵy nemese olarǵa tikeleı jaqyn jerdegi) obekt 1,3 -
2 Qorǵalatyn landshaft aımaǵyndaǵy (baq-saıabaq ansamblderi, saıabaqtar, qoryq aımaqtary, skverler jáne t.b.) obekt 1,2 eskertpeni qara
3 Kúrdeli ýchaskelerdegi obekt -
3.1 Aýmaqtyń tyǵyzdyǵy (normatıvtegiden az), qolaısyzdyq týdyratyn nemese olardy joıý boıynsha qosymsha is-sharalar júrgizýdi talap etetin qatar ornalasqan bar obektilerdiń bolýy 1,1 -
3.2 Jobalanyp otyrǵan obektige tikeleı jaqyn jerde shýdy, terbelisti jáne t.b. azaıtý boıynsha qosymsha is-sharalardy talap etetin qala kóliginiń (jerústi jáne jerasty) kerneý rejıminiń bolýy 1,05 -
3.3 Tabıǵatty qorǵaý maqsattarynda jer massasynyń aýqymdy kólemin (jerdi rekýltıvasııalaý, arheologııalyq qazbalar kezinde) aýystyrý qajettiligi 1,2 Jumystardyń kólemine qaraı tapsyrys berýshimen kelisim boıynsha
3.4 Injenerlik jelilerdi, joldardy (3-ten astam) qaıta tóseý qajettiligi 1,12 Qaıta salynatyn kommýnıkasııalardy jobalaý qunyna
Eskertpe
1 Arttyrý koeffısıentin ǵımarattardyń, qurylystyń sáýlet-qurylys bóligin jobalaý qunyna qoldaný.
2 Birneshe faktorlar úshin ortaq arttyrý koeffısıenti bólshek bólikter men birlikter somasy sııaqty esepteledi, biraq 1,3 shamasynan aspaýǵa tıis.
Qazaqstan Respýblıkasynda qurylysqa arnalǵan jobalaý jumystarynyń
qunyn aıqyndaý jónindegi memlekettik normatıvke 4-qosymsha
nysan
№3P nysan
___________________________________qosymsha
(shartqa, qosymsha kelisimge)
Jobalaý jumystaryna arnalǵan eńbek shyǵyndarynyń № vedomosi
_____________________________________________________________________
Obektiniń (kásiporynnyń, ǵımarattyń, qurylystyń), jobalaý kezeńiniń,
satysynyń, jobalaý jumystary túriniń ataýy
Jobalaý uıymynyń ataýy:
Tapsyrys berýshi uıymynyń ataýy:
R/s № Oryndalatyn jumystardyń tizbesi Oryndaýshylar Eńbek shyǵyndary, adam-saǵat
Sany Laýazymy, mamandyǵy, biliktiligi
Buıryq Qazaqstan Respýblıkasynyń Ádilet mınıstrliginde 2016 jylǵy 20 qańtarda Normatıvtik quqyqtyq kesimderdi memlekettik tirkeýdiń tizilimine №12887 bolyp engizildi.