Jyl aıaǵyna deıin elimizde balamaly jáne jańartylǵan qýat kózderin óndiretin 9 nysan iske qosylady. Bul týraly búgin Senatqa «Parıj kelisimin ratıfıkasııalaý týraly» zań jobasyn ákelgen energetıka mınıstri Qanat Bozymbaev málimdedi, dep habarlaıdy egemen.kz "Habar 24" - ke silteme jasap.
Sala basshysy atap ótkendeı, elektr qýatyn tasymaldaýshy kompanııalarmen tıisti shart jasaldy. Sondaı-aq munaı salasynda da oń kórsetkish baıqalady. Jyl sońyna deıin «Qashaǵan» kenishinen 1 mıllıon tonna qara altyn alynady. Bul jospardy júzege asyrý úshin óndiris ornyn iske qosý, retteý jumystary aıaqtalýy tıis. Sóıtip, keler jylǵy óndiris kólemi 7 mıllıon tonnaǵa ulǵaımaq. Sonyń áserinen kógildir otyn baǵasy arzandaýy múmkin. Al qara altyn qunynda ózgeris bolmaıdy. Sebebi shıkizat eksportqa jóneltiledi, deıdi mınıstr.