29 qazan kúni «Asyrap alýshy otbasy – ata-ana qamqorlyǵynsyz qalǵan balalardy áleýmettendirý ınstıtýty» dep atalatyn jyl saıynǵy forým bastalady, dep habarlaıdy egemen.kz Astana qalasy ákimdiginiń resmı saıtyna silteme jasap.
Forým jumysyna halyqaralyq jáne otandyq sarapshylar, asyrap alýshy ata-analar men tálimgerler qatysady. Shaqyrylǵan halyqaralyq sarapshylar qatarynda Reseı men Ýkraına ókilderi bar.
Sharany Astana qalasynyń ákimdigi, «Bala januıada ómir súrýi tıis» qoǵamdyq qozǵalysy, «DARA» qaıyrymdylyq qory, asyrap alýshy ata-analarynyń birlestigi jáne QR BǴM bala quqyqtaryn qorǵaý jónindegi komıteti uıymdastyrady. Forýmǵa qatysýshylar asyrap alýshy otbasylardyń sıpaty men aıyrmashylyǵy, kásibı irikteý qyzmetin qurý, asyrap alýshy ata-analardy oqytý, olarǵa qoldaý kórsetý sekildi máselelerdi talqylaıdy.