Islam qaǵıdattary talqylandy

Keshe «Nur Otan» HDP Joǵary partııa mektebi men Indýstrııa jáne jańa tehnologııalar mınıstrligi birlesip Islam qarjysy boıynsha Qazaq­stan konferensııasy – KIFC 2011 aıasynda «Qazaqstannyń IKU-ǵa tóraǵalyq etýiniń saýda-ekonomıkalyq aspektileri» taqyrybynda dóńgelek ústel ótkizdi. Atalǵan sharada partııa hatshysy Sergeı Gromov «Islam ekono­mıka­sy», «Jańa ıslamı ekonomıkalyq tártip» qaǵıdattarynyń ózektiligin erekshe atap ótti. Elimiz bıznes múd­desine qatysty re­forma jasaýshy­lardyń ishinde kósh­bas­shy bolyp ta­bylady. Sonyń nátı­je­sinde, Qazaq­stan álemdik bıznes aýany jónindegi reıtıngide 183 el kiretin tizimniń 59-shy ornyn ıemdenip otyr. Osy rette Sergeı Nıkolaevıch IKU-ǵa tór­aǵalyq etý sheńberinde «Nur Otan­nyń» strategııalyq mindetterdi jú­zege asyrýda jańa únqatysý alań­daryn qurýdy kózdeıtindiginen de habardar ete ketti. «Nur Otan» HDP Joǵary partııa mek­tebiniń dırek­tory, professor, eko­no­mıka ǵylym­dary­nyń doktory Baqyt Esekına óz kezeginde ekonomıkalyq daǵ­darys barysyna, qazirgi ekonomıkalyq úl­gi­niń tıimdiligi men turaqtyly­ǵyna erekshe nazar aýdartty. Áleý­mettik ádil­d­ikke baǵyttalǵan ıslam úlgisi qoǵam múddesine baǵyttalǵan ári kásipkerlikke septese otyryp, ekono­mıkanyń negizi bola alady. Dóńgelek ústel barysynda son­daı-aq ıslam qaǵıdattaryn ekono­mı­kaǵa engizý aıasynda jalpy álem­dik úrdis­ter­men qatar, Qazaq­stan­daǵy osy salanyń jaǵdaıy talqyǵa sa­lyn­dy. Elimizdiń Syrtqy ister,  Eko­nomıkalyq damý já­ne saýda mı­nıstrlikteriniń ókilderi, Ál-Shams Kapıtal basqarmasynyń tór­aǵasy (Reseı), t.ǵ.d., professor Adalet Djabıev, «Elaf Islamık Bank» bas­­qar­ma tór­aǵasy, doktor Jamıl Jarýdı, Almaty qalasy óńirlik qarjy or­ta­lyǵynyń qyzmetin retteý agent­ti­giniń tóraǵasy, e.ǵ.d. Arken Arys­tanov, Bahreın jáne Kýveıt Banki zań de­par­tamentiniń bas­shysy, professor Abdýl Kadır Ýar­sama jáne elimiz Pre­mer-Mı­nıstriniń oryn­basary – Indýstrııa jáne jańa tehnologııalar mı­nıstri­niń keńesshisi Erlan Baıdaýlet sóz sóılep, óz oılaryn ortaǵa saldy. Jumys qory­tyn­dysy boıynsha usy­nymdar qabyldandy. Asqar TURAPBAIULY.