Birikken Arab Ámirlikteri bıligi «Citadel» atty maınıng kompanııasy arqyly 450 mln dollardan astam somaǵa teń bıtkoın óndirgen, dep jazady Egemen.kz.
Blokcheın-zertteýlermen aınalysatyn sarapshylardyń dereginshe, BAÁ úkimetimen baılanysty krıptoámııanda 6 786 bıtkoın saqtaýly. Qazirgi baǵam boıynsha bul shamamen 455 mln dollarǵa teń. El basshylyǵy óndirilgen monetalardy saýdaǵa salmaı, balansta saqtaý strategııasyn ustanyp otyr. Ámııannan sońǵy qarajat qozǵalysy tórt aı buryn tirkelgen.
О́ndirilgen bıtkoınder boıynsha iske asyrylmaǵan paıda 344 mln dollar kóleminde baǵalanyp otyr. Alaıda bul esepteýlerde maınıngtiń negizgi shyǵyny – elektr energııasynyń quny eskerilmegen.
«Qara altyn» arzandap, bıtkoın qubyldy: Álemdik naryqty 2026 jyly ne kútip tur?
Arkham agenttiginiń málimetine sáıkes, keıingi on kúnde úkimettik ámııanǵa kún saıyn orta eseppen 4,2 bıtkoın túsip otyrǵan. Qazirgi baǵam (shamamen 67 myń dollar) boıynsha bul táýligine 280 myń dollar shamasynda. Aqpan aıynyń basynda táýliktik túsim 4 bıtkoınnan aspaǵan edi.
Mamandardyń esepteýinshe, mundaı kólemdi qamtamasyz etý úshin jabdyq qýaty shamamen 8,5 myń petahesh/sekýnd bolýy tıis. О́ndiris Foundry maınıng-pýly arqyly júzege asady.
Krıptovalıýtadan paıda tappaq bolǵan azamat 1 mln teńgesinen aıyryldy
BAÁ – búginde tikeleı óndiris (maınıng) arqyly bıtkoın qoryn qalyptastyryp otyrǵan sanaýly memleketterdiń biri. Mundaı strategııany sondaı-aq Býtan men Salvador qoldanady.
BitcoinTreasuries platformasynyń dereginshe:
Býtan – 5,6 myń bıtkoın;
Salvador – 7,5 myń bıtkoın;
BAÁ – 6 786 bıtkoın.
Iаǵnı Ámirlikter bul kórsetkish boıynsha eki eldiń ortasynda tur.
Al memleketter arasyndaǵy jahandyq reıtıngte kósh bastap turǵandar:
AQSh – 328 myń bıtkoın;
Qytaı – 190 myń bıtkoın;
Ulybrıtanııa – 61 myń bıtkoın.
Alaıda bul elder negizinen bıtkoın qoryn hakerler men kóleńkeli platformalardan tárkileý arqyly tolyqtyrady. Al BAÁ, Býtan jáne Salvador ónerkásiptik maınıngke basymdyq berip otyr.
Arkham sarapshylary memlekettik krıptoqorlardyń naqty kólemin jiti baqylaý múmkin emes ekenin atap ótti. Sebebi álem elderiniń úkimetterine tıesili sıfrlyq ámııandardyń barlyǵy birdeı jarııa etile bermeıdi.