Búgin Ortalyq kommýnıkasııalar qyzmeti alańynda Týrızm jáne sport mınıstrligi Týrızm ındýstrııasy komıteti tóraǵasynyń mindetin atqarýshy Nurbol Baıjanovtyń qatysýymen brıfıng ótti. Baspasóz jıynynda týrızm salasynyń damý kórsetkishteri men ınvestısııalyq múmkindikterin arttyrý baǵytyndaǵy negizgi bastamalar tanystyryldy, dep jazady Egemen.kz.
Nurbol Baıjanovtyń aıtýynsha, 2025 jyldyń qorytyndysy boıynsha týrızm salasyna salynǵan ınvestısııa kólemi 1 trln 256 mlrd teńgeni qurap, 2024 jylmen salystyrǵanda 32 paıyzǵa artqan. О́sim jolaýshylar tasymaly, qonaq úı jáne meıramhana qyzmetteri, sondaı-aq mádenıet pen oıyn-saýyq baǵyttarynda tirkelgen. Qazirgi tańda mınıstrlik 328 ınvestısııalyq jobadan turatyn tizimdi jasaqtady. Olardyń qatarynda iri qonaq úı jáne kýrortty keshender, jol boıyndaǵy servıs nysandary men oıyn-saýyq ınfraqurylymy bar.
Halyqaralyq sarapshylar Almatynyń taý týrızmin damytýǵa qoldaý bildirdi
Sondaı-aq salany qoldaý maqsatynda memlekettik qoldaý sharalary iske asyrylyp jatyr. 2025 jyly salaǵa 2,7 mlrd teńge kóleminde qoldaý kórsetilgen. Onyń ishinde týrıstik nysandardy salý men jańǵyrtý shyǵyndarynyń bir bóligin óteý, týrıstik avtobýstar men taý shańǵysy kýrorttaryna arnalǵan jabdyqtardy satyp alýǵa sýbsıdııa qarastyrylǵan.
Otandyq týrızmge salynǵan ınvestısııalar kólemi 1,2 trln teńgeden asty
Sonymen qatar týrızmdi damytý tujyrymdamasyn jańartý jumystary qolǵa alynǵan. Is-qımyl jospary eldiń negizgi kýrortty óńirlerinde jalpy quny 600 mlrd teńgeden asatyn 136 ınvestısııalyq jobany iske asyrýǵa baǵyttalǵan 152 is-sharany qamtıdy.
Týrızm túıtkilderi: Sózden iske kóshetin kez keldi