2026 jyldyń basynan beri memlekettik eńbek ınspektorlary respýblıka boıynsha myńdaǵan jumyskerdiń eńbek quqyǵyn qorǵap, jalaqy bereshegin óndirip alý baǵytynda naqty sharalar qabyldady. Nátıjesinde 18,5 myńnan astam azamattyń quqyǵy qalpyna keltirildi, dep jazady Egemen.kz.
1 sáýirdegi jaǵdaı boıynsha memlekettik eńbek ınspektorlary 140 kásiporynda 1,1 myńnan astam jumysker aldynda 642 mln teńgeden asatyn jalaqy bereshegin anyqtady. Sonymen qatar tekserýler barysynda 2 myńnan astam eńbek quqyǵynyń buzylýy tirkeldi.
Anyqtalǵan zańbuzýshylyqtarǵa baılanysty kásiporyn basshylaryna oryndaýǵa mindetti 1 110 nusqama berilip, jalpy somasy 136,5 mln teńgeden asatyn aıyppul salyndy.
Qabyldanǵan sharalardyń nátıjesinde, ásirese jalaqy qaryzyn óteýdiń naqty merzimderi men qatań kestesin belgileý arqyly, 7 myń jumyskerdiń quqyǵy qorǵalyp, olarǵa 463,3 mln teńge tólendi.
О́nerkásip qyzmetkerleri «Naýryz jumysker» ıgiligin kórdi
Eńbek jáne halyqty áleýmettik qorǵaý mınıstrligi eńbek zańnamasynyń saqtalýyn erekshe baqylaýda ustap otyrǵanyn málimdedi.
Jalpy, 2026 jylǵy 1 sáýirge deıin memlekettik eńbek ınspektorlary 1 723 tekserý júrgizip, onyń barysynda 2 065 quqyqbuzýshylyq anyqtaǵan. Onyń ishinde eńbek qatynastary salasynda – 1 735, eńbek qaýipsizdigi jáne eńbekti qorǵaý boıynsha – 305, halyqty jumyspen qamtý baǵytynda – 25 derek tirkelgen.
Júrgizilgen júıeli jumystardyń nátıjesinde 17,5 myń jumyskerdiń eńbek quqyǵy qorǵaldy.
Eldegi kásiporyndar jumyskerlerge 2,3 mlrd teńge jalaqy tólemegen