Astanada kámeletke tolmaǵan balany qaraýsyz qalǵan aýlaǵa súırep áketpek boldy degen kúdikpen 56 jastaǵy er adam ustaldy, dep habarlaıdy Egemen.kz.
Oqıǵa 5 maýsym kúni elordanyń Almaty aýdanynda, №13 mekteptiń mańynda bolǵan. Áleýmettik jelilerde taraǵan vıdeoda belgisiz er adamnyń shamamen 9-11 jastaǵy balany kúshtep ustap, eski dóńgelekter úıilgen qaraýsyz aýlaǵa qaraı alyp bara jatqanyn kórýge bolady.
Kýágerlerdiń aıtýynsha, oqıǵaǵa beıjaı qaramaǵan turǵyndar dereý aralasyp, balany er adamnyń qolynan bosatyp alǵan. Keıin olar polısııa shaqyrǵan.
Astana qalalyq polısııa departamenti atalǵan fakti boıynsha 56 jastaǵy azamattyń ustalǵanyn rastady. Qazir oqıǵanyń barlyq mán-jaıyn anyqtaý úshin qajetti prosessýaldyq sharalar júrgizilip jatyr.
Astanada 82 jastaǵy qarııa shóberesine zorlyq-zombylyq kórsetkeni úshin 20 jylǵa sottaldy
Tártip saqshylarynyń málimetinshe, balanyń zańdy ókili polısııaǵa aryz jazýdan bas tartqan. Soǵan qaramastan quqyq qorǵaý organdary tekserý jumystaryn jalǵastyryp, er adamnyń áreketine zań aıasynda quqyqtyq baǵa beriletinin málimdedi.
Qazirgi ýaqytta oqıǵanyń barlyq mán-jaıy anyqtalyp jatyr.