2023 jyly Abaı oblysynda bolǵan iri orman órtinen keıin orman sharýashylyǵynyń mamandary órtti sóndirý jumystarynyń nelikten qajetti deńgeıde jedel júrgizilmegenin jan-jaqty taldady. Taldaý nátıjesinde orman órtterin jedel sóndirýge arnalǵan zamanaýı ári manevrli órt sóndirý mashınasynyń maketin ázirleý týraly sheshim qabyldandy, dep habarlaıdy Egemen.kz.
Osylaısha, jańa tehnıkanyń prototıpi jasalyp, keıin ol Aqmola, Qaraǵandy, Pavlodar oblystarynda jáne Abaı oblysynda synaqtan ótkizildi.
Synaq barysynda órtterdi sóndirý kezinde týyndaǵan barlyq usynystar men eskertýler jınalyp, sondaı-aq mundaı tehnıkaǵa qoıylatyn tehnıkalyq talaptar eskerildi. Nátıjesinde negizgi talaptardyń barlyǵyna saı keletin órt sóndirý mashınasy jasaldy.
Úsh jyldaǵy ózgeris: Orman órt sóndirýshileriniń jalaqysy eki ese ósti
Mashınanyń jol talǵamaıtyn múmkindigi joǵary, sý sısternasynyń kólemi shamamen 3000 lıtrdi quraıdy, qozǵaltqysh qýaty shamamen 300 at kúshine teń jáne qýatty sorǵymen jabdyqtalǵan. Bul sorǵy órtti bir orynda turyp ta, qozǵalys kezinde de sóndirýge múmkindik beredi. Sonymen qatar, sorǵyny júrgizýshi kabınasynan da, órt sóndirý bóliginen de iske qosýǵa bolady.
Solnechnyı kentinde jańa órt sóndirý beketi ashyldy
Artqy kórinis kamerasy bar, sondaı-aq mashınanyń perımetri boıynsha tosqaýyl jasap dońǵalaqtardy, kabınany jáne qozǵaltqysh bóligin qorǵaıtyn ózdiginen órt sóndirý júıesi ornatylǵan.
Bul tehnıka postkeńestik keńistikte balamasy joq biregeı joba jáne orman órtterin sóndirýdegi zamanaýı sheshim retinde baǵalanady.