Qarjy mınıstri Mádı Takıev Májilistiń jalpy otyrysynda respýblıkalyq bıýdjettiń shyǵystary 25,5 trln teńgeni quraǵanyn, onyń 9,3 trln teńgesi áleýmettik salaǵa jáne 7,7 trln teńgesi óńirlerdi qoldaýǵa baǵyttalǵanyn aıtty, dep habarlaıdy Egemen.kz.
«Respýblıkalyq bıýdjet shyǵystary 99%-ǵa oryndalyp, 25,5 trln teńgeni qurady. Úkimet tarapynan barlyq áleýmettik mindettemeler oryndaldy. О́ńirlerdi qoldaýǵa 7,7 trln teńge baǵyttalǵan bolsa, áleýmettik salaǵa 9,3 trln teńge jiberildi», dedi M. Takıev.
Qarjy mınıstri Ulttyq jobalar sheńberinde 198 mektep pen 655 densaýlyq saqtaý nysanynyń qurylysy aıaqtalǵanyn atap ótti. Sondaı-aq stýdentterge arnalǵan 10 myńnan astam orynǵa 30 jataqhana paıdalanýǵa berildi.
Qarjy mınıstrligi: Bıýdjet kiristeri 21,4 trln teńgege jetti
«Barlyq qarjylandyrý kózderi esebinen, 20,1 mln sharshy metr turǵyn úı paıdalanýǵa berildi. Halyqtyń áleýmettik osal toptary úshin, 5 141 turǵyn úı satyp alyndy. Injenerlik ınfraqurylymdy damytý jónindegi jumystar jalǵasyp jatyr. 980,5 shaqyrym ınjenerlik – kommýnıkasııalyq ınfraqurylym jelisi salyndy. Sýmen jabdyqtaý jáne sý burý júıeleriniń 6,3 myń shaqyrym jelisi salyndy», dedi mınıstr.
Kólik ınfraqurylymyna da qomaqty qarajat jumsaldy. 13 myń shaqyrymǵa jýyq avtojol, onyń ishinde 9 myń shaqyrym respýblıkalyq mańyzy bar jol jáne 4 myń shaqyrym jergilikti mańyzy bar avtojol jumystyń barlyq túrimen qamtyldy. Sonymen qatar áleýmettik mańyzy bar temirjol jáne áýe baǵyttaryn qoldaý jumystary jalǵasyn tapty.
Mınıstr: Memlekettik qaryz deńgeıi ekonomıkaǵa qaýip tóndirmeıdi