Almaty qalasynda jol qozǵalysy erejelerin óreskel buzǵan BMW kóliginiń júrgizýshisi jazalandy, dep habarlaıdy Egemen.kz.
Oqıǵa túngi ýaqytta bolǵan. Qalalyq polısııa departamentiniń málimetinshe, shamamen saǵat 03:00-de júrgizýshi qala kósheleriniń birinde drıft jasap, aınaladaǵy adamdardyń qaýipsizdigine qater tóndirip, qoǵamdyq tártipti buzǵan.
Quqyq qorǵaý organdary júrgizýshiniń jeke basyn anyqtap, ony ustady. Oǵan qatysty 6 birdeı ákimshilik quqyq buzýshylyq boıynsha hattamalar toltyryldy.
Kólik arnaıy aıyppul turaǵyna qoıyldy, al júrgizýshi sot sheshimimen ákimshilik qamaýǵa alyndy.
Aıta keteıik, buǵan deıin de Almatyda qoǵamdyq qaýipsizdikke qaýip tóndirgen osyndaı jaǵdaılar tirkelgen bolatyn.
Eske salaıyq, Astanada kópshilik serýendeıtin orynǵa kólikpen kirip ketken júrgizýshi jazalandy.
Buǵan deıin elorda kóshesinde de qaýipti drıft jasaǵan sheteldik júrgizýshi jaýapqa tartylǵan bolatyn.