Bas shaharda jol erejelerin óreskel buzǵan 20 jastaǵy júrgizýshi 15 táýlikke ákimshilik qamaýǵa alyndy. Ol Qoshqarbaev kóshesindegi kópirde kólik aǵyndaryn bólýge arnalǵan jolaqpen júrip ótip, ony beınejazbaǵa túsirip, áleýmettik jelige jarııalaǵan, dep habarlaıdy Egemen.kz.
Elorda polısııa departamentiniń málimetinshe, Toyota avtokóligin 20 jastaǵy azamat basqarǵan.
Almatyda kóshe boıynda drıft jasaǵan júrgizýshi jaýapqa tartyldy
Beınekadrlardan kóliktiń kólik qozǵalysyn bólýge arnalǵan qaýipsizdik aralymen júrgeni kórinedi.
Polıseıler quqyq buzýshynyń jeke basyn anyqtap, ony birden birneshe bap boıynsha jaýapkershilikke tartty. Oǵan kólik quralyn joldyń júrý bóliginde ornalastyrý qaǵıdalaryn buzý, kólik júrgizý kezinde uıaly telefon paıdalaný jáne usaq buzaqylyq jasaǵany úshin aıyp taǵyldy.
Sot sheshimimen júrgizýshi 15 táýlikke ákimshilik qamaýǵa alyndy. Al avtokólik kommýnaldyq aıyp turaǵyna qoıyldy.
Eske salaıyq, Astanada kópshilik serýendeıtin orynǵa kólikpen kirip ketken júrgizýshi jazalandy.
Buǵan deıin elorda kóshesinde qaýipti drıft jasaǵan sheteldik júrgizýshi jaýapqa tartylǵan bolatyn.