Iordanııalyq bloger Kaspıı jaǵalaýyndaǵy qutqarýshylar jumysyna joǵary baǵa berdi, dep habarlaıdy Egemen.kz
Iordanııalyq tanymal bloger Iýsef Hattab Kaspıı teńizi jaǵalaýynda TJM qutqarý qyzmetiniń jumysymen tanysyp, mamandardyń kásibı sheberligine joǵary baǵa berdi. Ol qutqarýshylardyń kúndelikti qyzmeti men tótenshe jaǵdaılardyń aldyn alý baǵytyndaǵy jumystarynyń mańyzyn erekshe atap ótti. Sapar barysynda bloger Kaspıı teńiziniń tabıǵatyna tánti bolǵanyn jasyrmady.
«Bul meniń ómirimde kórgen eń ádemi teńizderdiń biri. Munda óte ádemi, al aınalamyzdaǵy adamdar keremet. Meni jaqsy qarsy aldy, kóp rahmet!», dedi ol.
Iýsef Hattab demalýshylarǵa qaýipsizdik erejelerin qatań saqtaýǵa keńes berdi. Onyń aıtýynsha, tek qutqarýshylar kezekshilik etetin arnaıy aımaqtarda ǵana shomylý qajet.
Sondaı-aq ol belgilengen aýmaqtan shyqpaýǵa, tyıym salynǵan jerlerge kirmeýge jáne qaýipsizdik talaptaryn buzbaýǵa shaqyrdy.
«Qutqarýshylar táýlik boıy, aptasyna 7 kún qyzmet etedi jáne árdaıym kómek kórsetýge daıyn», dedi bloger.
Ol Qazaqstanǵa kelýshilerdi tabıǵatty tamashalaýmen qatar qaýipsizdik erejelerin saqtaýǵa úndedi.
Trevel-bloger Dastan Muhamedrahım álemdik WIBA Awards syılyǵyna ıe boldy