Memleket basshysy vedomstvonyń 2025 jyly atqarǵan jumystarynyń qorytyndysy men bıyl bes aıdaǵy nátıjeleri týraly esebin tyńdady, dep habarlaıdy Egemen.kz
Asqarbek Ertaev:
Memleket tarapynan kórsetiletin áleýmettik mindettemeler tolyǵymen oryndalyp jatqanyn aıtty.
2025 jyly zeınetaqy, bazalyq járdemaqy jáne basqa da áleýmettik tólemderge 5,9 trıllıon teńge jumsaldy. Bıylǵy bes aıda bul kórsetkish 2,7 trıllıon teńgeni qurady.
múgedektigi bar jandardy qoldaý jáne jumysqa ornalastyrý sharalary jóninde baıandady.
Bıyl 12 myńǵa jýyq múmkindigi shekteýli azamat eńbekke tartylǵan. Jyl sońyna deıin múgedektikti belgileýge arnalǵan sıfrlyq taldaý tetigin engizý josparlanyp otyr.
Memleket basshysy arnaýly áleýmettik qyzmet kórsetý sapasyn arttyryp, elimizdiń aımaqtarynda 7 jańa ońaltý ortalyǵyn ashý mindetin qoıdy. Bul qyzmetterdiń qoljetimdiligin jaqsartyp, erekshe qajettiligi bar jandarǵa jan-jaqty qoldaý kórsetýge múmkindik beredi.
halyqty eńbekpen qamtý baǵytynda qolǵa alynǵan sharalar týraly málimet berdi.
El kóleminde 201 myńǵa jýyq azamat, sonyń ishinde 74,9 myń jas jumyspen qamtyldy.
Bıyl laıyqty jalaqy tólep, áleýmettik aýdarymdardy úzbeıtin ári eńbek qaýipsizdigin saqtaıtyn turaqty jáne ornyqty jumys oryndarynyń sanyn 3,1 mıllıonǵa deıin jetkizý mindeti qoıyldy.
Jasandy ıntellekt tehnologııalaryn engizý aıasynda Mańǵystaý jáne Pavlodar oblystarynda «Jumyspen qamtýdyń sıfrlyq qyzmeti» pılottyq rejımin iske qosý josparlandy.
eńbek qatynastaryn retteý baǵytynda atqarylǵan jumystar jóninde aıtty.
Elektrondyq formatta 6,7 mıllıon eńbek sharty jasalǵan. Mekemelerdiń 118 myńnan asa jumyskeri mindetti saqtandyrý shartymen qamtyldy.
Eńbek ınspektorlarynyń kómegimen 22 myńnan asa jumyskerdiń quqyǵy qorǵaldy. О́ndiristik jaraqattaný men jazataıym oqıǵalardyń aldyn alýǵa erekshe nazar aýdarylýda.
Kásiptik táýekelderdi aıqyndaý, oqytý úderisin avtomattandyrý jáne tómendetilgen jalaqyny anyqtaý úshin sıfrlyq sheshimder engizý qarastyrylǵan.
Memleket basshysy:
Salany odan ári sıfrlandyrý, eńbek adamynyń quqyǵyn qorǵaý, muqtaj jandarǵa kómek kórsetý jáne áleýmettik masyldyqpen kúres jóninde birqatar tapsyrma júktedi.
Prezıdenttiń aıtýynsha, qabyldanǵan sharalardyń barlyǵy halyqtyń ál-aýqatyn arttyrýǵa baǵyttalýy qajet.