Shahmatshy Bıbisara Asaýbaevanyń qarjylandyrýǵa qatysty Prezıdentke joldaǵan úndeýinen keıin Týrızm jáne sport mınıstrligi sportshyǵa qatysty jaıtqa túsinikteme berdi, dep habarlaıdy Egemen.kz.
Týrızm jáne sport vıse-mınıstri Serik Jarasbaev Bıbisara Asaýbaevaǵa bólinetin qarjy jyl saıyn artyp otyrǵanyn atap ótti.
«Eger tek Sport jáne týrızmdi qoldaý qory arqyly qarasaq, 2024 jyly halyqaralyq jarystarǵa daıyndyqqa 64 mln teńge bólindi. 2025 jyly bul soma 79 mln teńgege jetti, al 2026 jyly 100 mln teńge boldy. Iаǵnı qarjylandyrýda ósim bar», dedi ol.
Mıhaıl Shaıdorovqa qatysty jaǵdaı: Vıse-mınıstr málimdeme jasady
Sondaı-aq vıse-mınıstr Qazaqstan shahmat federasııasy da qosymsha qoldaý kórsetip otyrǵanyn atap ótip, sportshynyń memleket tarapynan tólemderdiń azaıýyna qatysty shaǵymyna da jaýap berildi.
«2023-2024 jyldary ol Sportty damytý dıreksııasy arqyly shahmatshy shamamen 1 mln teńge kóleminde jalaqy alyp keldi. 2025 jyly qabyldanǵan zańǵa sáıkes basym sport túrleri bekitildi. Shahmat bul tizimge kirmedi, sebebi ol olımpıadalyq keshendi sport túrlerine jatpaıdy», dedi Serik Jarasbaev.
Buǵan deıin Prezıdent jarlyǵymen Bıbisara Asaýbaevaǵa II dárejeli «Barys» ordeni berilgen bolatyn. Alaıda marapat áli tabystalmaǵan. Mınıstrlik ókiliniń aıtýynsha, bul másele sportshynyń tyǵyz jarys kestesine baılanysty keıinge shegerilgen. Serik Jarasbaev ordendi tabystaý rásimi sportshy kestesine qaraı belgilenetinin jetkizdi.
Bıbisara Asaýbaeva Norway Chess týrnıriniń jeńimpazy atandy
Eske sala keteıik, buǵan deıin halyqaralyq grossmeıster Bıbisara Asaýbaeva jalaqysynyń 3 esege qysqaryp, jarystardyń shyǵynyn óz qarajaty esebinen tólegenin aıtyp Prezıdentke úndeý joldaǵan bolatyn. Sondaı-aq ol II dárejeli «Barys» ordenin alýǵa tıis bolsa da, marapattaý rásiminiń birneshe ret keıinge shegerilýine baılanysty ony áli ala almaǵanyn málimdedi.