Almatyda sábıin kóterip kýrer bolyp jumys istep júrgen áıeldiń oqıǵasy áleýmettik jeli qoldanýshylarynyń nazaryn aýdarǵan bolatyn. Kóp uzamaı belgisiz alaıaqtar onyń atynan aqsha jınaı bastaǵany belgili boldy, dep habarlaıdy Egemen.kz.
Áıeldiń sábıimen birge túsken sýretin Threads jelisinde bloger Sasha Wu’style jarııalaǵan. Onyń aıtýynsha, ol áıeldi Almatydaǵy Brýsılovskıı kóshesinde kezdestirgen.
Blogerdiń jazýynsha, jas ananyń jaǵdaıy oǵan erekshe áser qaldyrǵan. Sondyqtan ol sýretti áleýmettik jelige jarııalap, kópshiliktiń nazaryn aýdarýdy jón kórgen. Jarııalanym qysqa ýaqyt ishinde keń taralyp, júzdegen adam áıelge kómektesýge daıyn ekenin bildirgen.
Májilismen kýrer bolyp júrgen anaǵa páter syılady
Pikir qaldyrýshylardyń biri áıelge alıment óndirýge tegin zań kómegin kórsetýge daıyn ekenin aıtsa, endi biri nárestege arnalǵan arba men qajetti zattardy alyp berý úshin qarjy jınaýdy usynǵan.
Alaıda kóp uzamaı jeli qoldanýshylary alaıaqtardyń paıda bolǵanyn habarlady. Olardyń málimetinshe, keıbir belgisiz adamdar áıeldiń atynan jalǵan akkaýnttar ashyp, qarjy suraı bastaǵan. Tipti senimdi kóriný úshin jasandy ıntellekt kómegimen daıyndalǵan sýretter qoldanǵan.
Osyǵan baılanysty jeli qoldanýshylary turǵyndardy saq bolýǵa shaqyryp, áıeldiń jeke basy resmı túrde anyqtalmaıynsha eshqandaı qarjy aýdarmaýǵa keńes berdi.
Alaıaqtardyń aılasy ózgerdi: Endi aqshany «kýrer» bolyp alyp ketedi
Qoǵamda úlken rezonans týdyrǵan oqıǵaǵa qaramastan, ázirge sýrettegi áıeldiń kim ekeni jáne onyń naqty jaǵdaıy anyqtalǵan joq.