2025 jyly agrarlyq sektordy qarjylandyrý 172 mlrd teńgege ulǵaıyp, 1,1 trln teńgeni qurady. Bul qarajat egis naýqanyn qoldaýǵa, dándi jáne maıly daqyldardyń joǵary ónimdiligin qamtamasyz etýge, sondaı-aq sý ınfraqurylymyn damytýdy jalǵastyrýǵa múmkindik berdi. Mundaı derekterdi Májilistiń jalpy otyrysynda Qarjy mınıstri Mádı Takıev keltirdi, dep jazady Egemen.kz.
Sondaı-aq 4,9 mln tonna maıly daqyldar, 3,6 mln tonna arpa, 1 mln tonna júgeri, 525,9 myń tonna kúrish, 1 mln tonnaǵa jýyq burshaq daqyldary jáne 76,7 myń tonnadan astam qaraqumyq jınaldy.
«Kúnbaǵys egis alqaby 1,5 esege – 1,2 mln gektardan 1,7 mln gektarǵa deıin ósti, bul kúnbaǵys maıyn óndirýdi 17,5%-ǵa, ıaǵnı 752,1 myń tonnaǵa deıin ulǵaıtýǵa jáne eksporttyq áleýetti keńeıtýge múmkindik berdi. Kúnbaǵys maıynyń eksporty 24%-ǵa, ıaǵnı 219,3 myń tonnaǵa deıin ósti», dep atap ótti Qarjy mınıstri. Egin sharýashylyǵyn damytýdaǵy basym mindetter naqtylandyOnyń aıtýynsha, sý ınfraqurylymyn damytýǵa erekshe kóńil bólinip jatyr. 2025 jyly 1840 shaqyrym sýarý kanaldary tazartylyp, 680 shaqyrym sýarý jelisi qaıta jańartylǵan jáne 375 gıdrotehnıkalyq nysan jóndelgen.
«Úkimet úshin bıýdjettiń oryndalýy tek ıgerý paıyzy boıynsha ǵana baǵalanbaýy óte mańyzdy. Basty krıterıı – azamattar men bıznes jáne óńirler úshin naqty nátıjege qol jetkizý», dep atap ótti Mádı Takıev. Elimizde 103 sýarý kanaly avtomattandyrylady