2025 jyly ekonomıkalyq belsendilikti kólik, qurylys, taý-ken ónerkásibi jáne saýdany qosa alǵanda, naqty sektordyń negizgi salalary jedeldetti. Májilistiń jalpy otyrysynda elimizdiń áleýmettik-ekonomıkalyq damýynyń negizgi qorytyndylary týraly Qarjy mınıstri Mádı Takıev baıandady, dep habarlaıdy Egemen.kz.
Mınıstrdiń aıtýynsha, memlekettik borysh belgilengen dáliz boıynda tur. Jyl qorytyndysy boıynsha, ol ishki jalpy ónimniń 22,8%-yn nemese 36,4 trln teńgeni qurady. Bul rette IJО́ kólemi – 159,6 trln teńge.
«Ulttyq qordyń aktıvteri 2025 jyldyń aıaǵynda 73,8 mlrd dollar boldy, onyń ishinde valıýtalyq qordyń aktıvteri – 63,9 mlrd dollar. Bul somada «Ulttyq qor – balalarǵa» baǵdarlamasy boıynsha qarastyrylǵan 1,57 mlrd dollar mólsherindegi nysanaly talaptar joq», dep atap ótti mınıstr.
Elordany eńselendirgen ekonomıkalyq aımaq damýdyń jaýapty kezeńine qadam basty