Úkimet 2025 jyly ónerkásip, kólik, energetıka, sıfrlandyrý men tereń óńdeý salalaryn belsendi damytý boıynsha jumystardy jalǵastyrdy, dep habarlaıdy Egemen.kz.
Negizgi baǵyttardyń biri – avtomobıl jasaý, jasandy ıntellekt jáne tehnologııalyq ekojúıeni damytý. Bul týraly Májilistiń jalpy otyrysynda Qarjy mınıstri Mádı Takıev málimdedi.
«Úkimet ónerkásip, kólik, energetıka, sıfrlandyrý men tereń óńdeý salalaryn belsendi damytý boıynsha jumystardy jalǵastyryp jatyr. Avtomobıl jasaý salasynda, Qostanaı oblysyndaǵy KIA zaýyty jáne Almaty qalasyndaǵy «Astana Motors» mýltıbrend zaýyty iske qosyldy. Jalpy, jyl saıyn shyǵaryp otyrǵan 160 myń avtomobıl, bul salany edáýir ulǵaıtýǵa múmkindik berdi», dedi Mádı Takıev. Agrarlyq sektordy memlekettik qoldaý kólemi 1,1 trln teńgege jettiSıfrlandyrý jáne jasandy ıntellekt salasynda Alem.AI Halyqaralyq jasandy ıntellekt ortalyǵy ashyldy. Alem.AI tujyrymdamasy sheńberinde Jasandy ıntellekt salasynda myńdaǵan mamandar daıarlaý, jyl saıyn júzdegen startaptar men ondaǵan zertteý jobalaryn qoldaý josparlanyp otyr.
«20 joǵary oqý orny bazasynda jasandy ıntellekt boıynsha mamandar daıarlaý bastalsa, «Bolashaq» baǵdarlamasy boıynsha jeke kvota engizildi. Astana Hub – tehnologııalyq kompanııalar men startaptarǵa arnalǵan alań retinde damýyn jalǵastyryp jatyr. Onda 2 200-den astam IT-kompanııa, onyń ishinde 500-den astam sheteldik kompanııalar tirkelgen», dedi Qarjy mınıstri. О́tken jyly elimizde IJО́ ósimi 6,5%-dy qurady