Densaýlyq saqtaý mınıstrligi «Taýarlardy tańbalaý jáne qadaǵalaý» aqparattyq júıesiniń derekteri boıynsha shekti baǵalardy retteý tetigi kúshine engenge deıingi kezeń men 2026 jylǵy mamyrdaǵy jaǵdaı boıynsha elimizdiń 20 óńirindegi dárihanalarda satylatyn 2635 dárilik preparattyń ataýyna salystyrmaly baǵa taldaýyn júrgizgen, dep habarlaıdy Egemen.kz.
Monıtorıngtiń qorytyndysy boıynsha 1309 preparattyń (49,5%) baǵasy ózgerissiz qalǵany, al 669 dárilik zattyń (20,4%) baǵasy tómendegeni anyqtalǵan.
Jalpy alǵanda, bólshek saýda jelisinde satylatyn 4994 dárilik preparat shekti baǵalardy retteý tetigimen qamtylǵan. Retteletin segmentte preparattardyń jartysynan astamynyń baǵasy turaqty deńgeıde saqtalyp otyr.
Otandyq dári-dármek úlesi shamamen 40 paıyzǵa jetti
«Dárilik zattarǵa belgilengen shekti bólshek saýda baǵalarynyń asyp ketý faktileri anyqtalǵan jaǵdaıda, siz DariKZ mobıldi qosymshasy arqyly rastaıtyn materıaldardy (taýarlyq chek pen dárilik zattyń qaptamasy) qosa tirkep, Densaýlyq saqtaý mınıstrliginiń Medısınalyq jáne farmasevtıkalyq baqylaý komıtetiniń aýmaqtyq departamentterine ótinish jibere alasyz», delingen habarlamada.
Sondaı-aq, DariKZ mobıldik qosymshasy arqyly dárilik zattardy qoldanǵannan keıin týyndaǵan jaǵymsyz áserler týraly aqparatty da jiberýge bolady.
2027 jyldan bastap el turǵyndary ózderine qajetti dári-dármekti tegin alady
Sonymen qatar, TMKKK jáne MÁMS sheńberinde qoldanylatyn 3000-nan astam preparat, onyń ishinde áleýmettik máni bar aýrýlardy emdeýge arnalǵan dárilik zattar qosylǵan qun salyǵynan bosatylǵan.
Buǵan deıin dári-dármekke baılanysty zańǵa mańyzdy túzetýler engizilgeni týraly jazǵan edik.