Qazaqstanda zańsyz shemalar arqyly dekrettik tólem alǵan áıelder qarajatty qaıtarýǵa mindetteledi. Bul týraly Eńbek jáne halyqty áleýmettik qorǵaý vıse-mınıstri Vıktorııa Shegaı málimdedi, dep habarlaıdy Egemen.kz.
Mınıstrlik málimetinshe, mamyr aıynyń sońynda dekrettik tólem alý úshin jalǵan jumysqa ornalasý boıynsha elimizdiń 13 óńirinde 38 qylmystyq is qozǵalǵan. Myńnan astam áıel is fıgýranty retinde tanylyp, toǵyz is boıynsha sot úkim shyǵarǵan.
Resmı málimet boıynsha, búgingi tańda memleketke keltirilgen shyǵyn kólemi shamamen 3 mlrd teńgeni quraıdy.
«Áıelderdiń senimin paıdalanyp, zańsyz shemalarǵa tartqan tulǵalarǵa basa nazar aýdarylyp otyr. Qazirgi tańda dál osy adamdarǵa qatysty qylmystyq is qozǵalyp, tergeý amaldary júrgizilip jatyr», dedi Vıktorııa Shegaı.
Qazaqstanda dekrettik tólemderge baqylaý kúsheıedi
Sonymen qatar ol zańsyz tólem alǵan áıelderdiń memleketke qarajatty óteýge mindetti ekenin atap ótti. Vıse-mınıstrdiń sózinshe, zańnamada raqymshylyq jasaý arqyly bul mindettemeden bosatý múmkindigi qarastyrylmaǵan.
Eske sala keteıik, elimizde jumys isteıtin analarǵa bala 1,5 jasqa tolǵanǵa deıin áleýmettik tólem tólenedi. Mamyr aıynyń basyndaǵy derek boıynsha ortasha tólem kólemi 86 062 teńgeni quraǵan.