«Qazgıdromet» mamandary jaýyn-shashyn mólsherin jasandy túrde arttyrý tehnologııasynyń qalaı jumys isteıtinin jáne onyń qandaı maqsatta qoldanylatynyn túsindirdi, dep habarlaıdy Egemen.kz.
Bul tehnologııany Túrkistan oblysynda paıdalaný týraly alǵash ret 15 maýsymda habarlanǵan bolatyn. Jobaǵa daıyndyq barysynda 2020-2024 jyldar aralyǵyndaǵy 39 meteostansııanyń derekteri jan-jaqty zertteldi. Atmosferalyq prosester men óńirdiń jer bederine júrgizilgen taldaý nátıjesinde Túrkistan oblysy pılottyq aýmaq retinde tańdalǵan.
Mamandardyń aıtýynsha, tehnologııa tek tabıǵı jolmen qalyptasqan tik baǵytta damıtyn jańbyrly býdaq bulttar bolǵan jaǵdaıda ǵana qoldanylady. Onyń áseri belgili bir aýmaqpen jáne qysqa merzimmen shekteledi. Sondyqtan bul ádis klımattyq ózgeristerge yqpal etpeıdi ári aýa massalarynyń qozǵalysyn ózgertpeıdi.
Jańbyr, naızaǵaı, aptap ystyq: 10 maýsym kúngi aýa raıy boljamy
Joba aıasynda «Qazgıdromet» ǵylymı-meteorologııalyq súıemeldeýdi qamtamasyz etedi. Atap aıtqanda, mamandar táýlik boıy atmosferany baqylap, spýtnıktik sýretter men sınoptıkalyq málimetterdi taldaıdy, bult júıeleriniń qozǵalysyn qadaǵalaıdy jáne túsken jaýyn-shashyn kólemin baǵalaıdy.
Jınalǵan derekter tehnologııanyń tıimdiligin ǵylymı turǵydan baǵalaýǵa, sondaı-aq onyń óńirdegi sý qoryn tolyqtyrý men aýyl sharýashylyǵy alqaptaryn qoldaýdaǵy múmkindikterin anyqtaýǵa múmkindik beredi.
Atyraýda úsh kún boıy tolassyz jaýǵan jańbyr saldarynan kóshelerdi sý basty
Pılottyq joba Túrkistan oblysynyń ákimdigi, Birikken Arab Ámirlikteriniń Ulttyq meteorologııalyq ortalyǵy, Indýstrııa jáne ınfraqurylymdyq damý mınıstrligi, «Qazgıdromet» jáne «Qazaeronavıgasııa» mekemeleriniń birlesken qatysýymen iske asyrylyp jatyr.