Argentınada Dımash Qudaıbergenniń jankúıerleri erekshe qaıyrymdylyq jobasyn bastady. Bul joba mektepterge mýzykalyq aspaptar alyp berýge jáne balalardyń mýzykamen aınalysýyna kómektesýge baǵyttalǵan, dep habarlaıdy Egemen.kz.
Alǵashqy kómek Argentınadaǵy Mar-del-Plata qalasyndaǵy general Hose de San-Martın atyndaǵy №5 bastaýysh mektepke kórsetildi. Jankúıerler aspaptardy jetkizý úshin 400 shaqyrymnan astam jol júrgen.
Mektepte arnaıy merekelik is-shara uıymdastyryldy. Onda oqýshylar men muǵalimderge Dımashtyń shyǵarmashylyq joly tanystyrylyp, Qazaqstannyń mádenıeti men dástúri týraly aıtyldy. Sonymen qatar ulttyq kıimder men aqparattyq stendterden turatyn kórme jasaldy.
Eń erekshe sátterdiń biri – mýzykalyq kabınetke Dımash Qudaıbergenniń esimin berý boldy. Bul Argentına mektepteri úshin sırek jaǵdaı, óıtkeni mundaı ataý ádette tek ómirden ótken tanymal tulǵalarǵa beriledi. Biraq bul joly Dımashtyń álemdik mádenıetke qosqan úlesi eskerilgen.
Uıymdastyrýshylardyń aıtýynsha, bul joba aldaǵy ýaqytta Argentınanyń basqa da mektepterinde jalǵasady. Olar mýzyka balalardy biriktirip, shabyt beretinin atap ótti.
Meksıkadaǵy qazaqtaný: Maǵjannan Dımashqa deıin
Is-shara sońynda mektep ókilderi uıymdastyrýshylarǵa alǵys hattar men estelik syılyqtar tabys etti.