Sáýir aıynda júrgizilgen táýelsiz áleýmettik zertteý nátıjeleri Qazaqstan azamattarynyń bılik ınstıtýttaryna degen senim deńgeıiniń joǵary ekenin kórsetti. Bul týraly Demoscope zertteý jobasynyń derekterinde aıtylǵan, dep jazady Egemen.kz.
Zertteý qorytyndysyna sáıkes, respondentterdiń 70%-dan astamy Qazaqstannyń damý baǵytyn durys dep baǵalaıdy. Atap aıtqanda, 44,6%-y el «durys baǵytta damyp keledi» dep naqty jaýap berse, taǵy 27,8%-y «kóbine durys baǵytta» degen pikir bildirgen. Bul kórsetkish kúmánmen qaraıtyndardyń úlesinen shamamen úsh jarym ese joǵary.
Saýalnama: Respondentterdiń 86,5%-y jańa Konstıtýsııa jobasyn qoldaıdy
Saýalnama nátıjeleri boıynsha Memleket basshysy qoǵamdaǵy eń joǵary senimge ıe ınstıtýt bolyp qala beredi. Prezıdentke saýalnamaǵa qatysýshylardyń 61,3%-y senim bildirgen.
Sonymen qatar, Úkimetke respondentterdiń – 47,4%-y, jergilikti atqarýshy organdarǵa (ákimdikterge) – 50,2%-y, Parlamentke – 40,5%-y senim artqan. Quqyq qorǵaý organdaryna senim bildirgender úlesi – 46,8%-dy, al sot júıesine – 43,7%-dy qurady. Jalpy alǵanda, barlyq memlekettik ınstıtýt boıynsha senim bildirýshiler sany synı kózqarastaǵylardan aıtarlyqtaı basym.
Saýalnama: Ata-analardyń 78%-y balasynyń aralasatyn ortasyn jaqsy biledi
Budan bólek, bılik usynǵan «Ádiletti Qazaqstan» baǵyty da qoǵam tarapynan qoldaý tapqan. Saýalnamaǵa qatysqandardyń 55,6%-y bul ustanym naqty júzege asyp jatyr dep esepteıdi.
Atalǵan saýalnama Qazaqstannyń barlyq óńirinde júrgizilgen. Qatysýshylardyń 65,8%-y suraqtarǵa qazaq tilinde jaýap berýdi tańdaǵan.