Saýda jáne ıntegrasııa mınıstrligi Tehnıkalyq retteý jáne metrologııa komıteti departamenti Almaty qalasyndaǵy «Ortalyq qalalyq klınıkalyq aýrýhana» mekemesine jospardan tys tekserý júrgizdi, dep jazady Egemen.kz.
Tekserý barysynda 2026 jylǵy 11 aqpanǵa deıin medısınalyq mekemede 106 naýqas monıtorıngi modýli mindetti rásimderden ótpeı paıdalanylǵany belgili boldy. Mekeme atalǵan jabdyqtardy metrologııalyq attestasııasyz qoldanǵan. Sondaı-aq memlekettik reestrde tirkemegen jáne mindetti tekserýden (poverkadan) ótpegen. Soǵan qaramastan, qurylǵylar medısınalyq kómek kórsetý barysynda paıdalanylǵan. Bul modýlder naýqastardyń júrek soǵý jıiligi, arterııalyq qysym, qandaǵy ottegi deńgeıi (SpO₂), elektrokardıogramma (EKG) jáne dene temperatýrasy syndy ómirlik mańyzdy kórsetkishterin kezinde paıdalanylǵan.
Saq bolyńyz: Alaıaqtar medısına qyzmetkeri retinde habarlasa bastady
«Mundaı jabdyqty ólsheý dáldigin rastamaı qoldaný klınıkalyq sheshim qabyldaýǵa tikeleı áser etip, naýqastardyń qaýipsizdigine qaýip tóndiredi. Tekserý nátıjesinde medısınalyq uıym qyzmetinde «О́lshem birligin qamtamasyz etý týraly» zańynyń 17 jáne 19-baptarynyń talaptary buzylǵany anyqtaldy. Anyqtalǵan faktiler tekserý materıaldarymen rastaldy. Baqylaý is-sharalarynyń qorytyndysy boıynsha anyqtalǵan buzýshylyqtardy joıý týraly oryndalýy mindetti nusqama berildi. Jabdyqtardy paıdalaný zań talaptaryna tolyq sáıkestikke keltirilýi tıis», delingen habarlamada.
Oqýshylar medısınalyq kómeksiz qalǵan: Jetisý oblysynda mektepter tekserildi
Anyqtalǵan buzýshylyqtar úshin mekeme ákimshilik jaýapkershilikke tartylyp, 600 AEK (2 595 000 teńge) kóleminde aıyppul tólegen.