Elimizde Ulttyq biryńǵaı testileýden joǵary nátıje kórsetken oqýshylarǵa bilim berý ortalyqtary tarapynan avtokólik, páter jáne ózge de qymbat syılyqtar berilip jatyr. Atalǵan jaıtqa qatysty Májilis depýtaty Ashat Aımaǵambetov pikir bildirdi, dep habarlaıdy Egemen.kz.
Depýtat munda zańǵa qaıshy áreket joq ekendigin atap ótti. Alaıda ol jetistikterdiń basty sebebi bilim ortalyqtarynyń emes, mektep muǵalimderiniń eńbegi ekendigine toqtaldy.
«Bul tek NZM, BIL nemese Nazarbaev ýnıversıtetine túsýge daıyndaıtyn ortalyqtardyń nátıjesi emes. Bul – eń aldymen bizdiń mekteptegi muǵalimderdiń júıeli eńbeginiń jemisi. О́ıtkeni mundaı nátıjege úsh aptada, úsh aıda nemese bir jyldyń ishinde jetý múmkin emes. Muǵalimderdiń úlken eńbeginiń nátıjesinde bizdiń balalarymyz Garvardqa, Kembrıdjge, Oksfordqa jáne basqa da álemniń jetekshi joǵary oqý oryndaryna túsip jatyr», dedi Ashat Aımaǵambetov.
Sondaı-aq ol beriletin syılyqtardyń negizinen marketıngtik qural ekendigine toqtaldy. Halyq qalaýlysynyń sózinshe, ortalyqtar jańa oqýshylardy tartýǵa tyrysyp, shákirtterdiń jetistigin óz jumysynyń nátıjesi retinde kórsetedi.
Kólik, páter nemese 50 mln teńge: Tarazdyq talapker UBT-dan 140 ball jınady
Eske sala keteıik, buǵan deıin Túrkistanda UBT-dan eki synyptas oqýshynyń eń joǵary 140 ball jınaǵanyn jazǵan bolatynbyz.