Endi el azamattary Eýropaǵa barý úshin arnaıy avtomattandyrylǵan EES (EntryExit System) kirý-shyǵý júıesinen ótýge mindetteledi. Bul týraly Syrtqy ister mınıstrliginiń resmı ókili Erlan Jetibaev málimdedi, dep habarlaıdy Egemen.kz.
Jańa júıe 10 sáýirden bastap Shengen aımaǵyna kiretin 29 elde jumys isteı bastady. Mınıstrlik ókiliniń sózinshe, pasporttarǵa mór basý rásimin almastyrady.
«Shengen aımaǵy elderiniń birine alǵash ret kirgen kezde shetel azamattarynan jol júrý qujattarynyń derekteri, bıometrııalyq málimetteri, sondaı-aq kirý jáne shyǵý ýaqyty mindetti túrde tirkeledi. Bul rette 12 jasqa tolmaǵan balalardyń saýsaq izderi alynbaıdy», dedi Erlan Jetibaev.
Sondaı-aq ol qandaı jaǵdaıda elge kirýge tyıym salý jaǵdaılary da tirkeletindigin atap ótti.
«Keıingi saparlar kezinde shekaradan ótý rásimi jeńildetilip, tulǵany bet-beınesi arqyly rastaý múmkindigi qarastyrylǵan. Bıometrııalyq derekterdi usynýdan bas tartqan jaǵdaıda Shengen aımaǵyna kirýge tyıym salynýy múmkin», dedi E.Jetibaev.
Rásimderdi jeńildetý maqsatynda Eýroodaq arnaıy mobıldi qosymsha ázirlegen. Ol arqyly saparǵa deıin 72 saǵattan erte emes merzimde pasport derekterin jáne bet-álpet fotosýretin júkteýge bolady.
Shekaradaǵy kezek azaıady: О́tkizý beketterinde 200 oryndyq avtoturaqtar salynady
Eske sala keteıik, buǵan deıin JI arqyly Qazaqstan shekarasynan ótý ýaqyty 4 saǵattan 30 mınýtqa deıin qysqaraǵanyn jazǵan edik.