Syrtqy ister mınıstrligi Berlın qalasynda ustalǵan Qazaqstan azamatyna qatysty pikir bildirdi. Germanııa bıligi ony barlaý qyzmetine qatysy bolýy múmkin dep kúdikpen ustaǵan bolatyn, dep habarlaıdy Egemen.kz.
Syrtqy ister mınstrliginiń resmı ókili Erlan Jetibaev Germanııanyń quzyrly organdarynyń málimetine sáıkes, Qazaqstan azamaty 29 sáýir kúni ustalǵanyn rastady.
«Syrtqy ister mınıstrligi Germanııa Federatıvtik Respýblıkasynyń quzyrly organdary usynǵan aqparatqa sáıkes, 29 sáýirde Qazaqstan azamatynyń barlaý qyzmetine qatysy bolýy múmkin degen kúdikpen ustalǵanyn rastaıdy», dedi Erlan Jetibaev.
Mınıstrliktiń málimetinshe, ustalǵan azamat Qazaqstannyń elshiligine nemese konsýldyǵyna kómek surap júginbegen. Vedomstvo konsýldyq jáne quqyqtyq kómek kórsetý úshin azamattyń jeke ótinishi qajet ekenin atap ótti.
Eske sala keteıik, Germanııanyń qylmystyq polısııasy ustaǵan Qazaqstan azamaty 2025 jyldyń mamyr aıynan bastap Reseı barlaýymen baılanysta boldy degen kúdikke ilingen. Aldyn ala málimetter boıynsha, ol Germanııanyń Ýkraınaǵa áskerı kómegi, nemis qorǵanys ónerkásibi, ásirese drondar men robottardy ázirleýshi kásiporyndar týraly aqparat berip kelgen.
Buǵan deıin Taıaý Shyǵystan azamattardy evakýasııalaýǵa qansha shyǵyn ketkendigin jazǵan edik.