Japonııanyń ońtústik-batys jaǵalaýynda magnıtýdasy 5,9 bolatyn jer silkinisi tirkeldi, dep jazady Egemen.kz.
Japonııa meteorologııalyq agenttiginiń málimetinshe, jerasty dúmpýleri jergilikti ýaqyt boıynsha saǵat 11:46-da bolǵan. Epısentri Okınava prefektýrasyndaǵy negizgi aral jaǵalaýynda, shamamen 50 shaqyrym tereńdikte ornalasqan.
Jer silkinisiniń kúshi japondyq seısmıkalyq qarqyndylyq shkalasy boıynsha 7 ball dep baǵalandy. Mundaı dúmpý kezinde adamdardyń aıaqta tik turýy qıyndap, zattar men bekitilmegen jıhazdar qulaýy múmkin.
Mamandar aldaǵy bir apta ishinde, ásirese jaqyn 2-3 kúnde qaıtalama dúmpýler bolýy yqtımal ekenin eskertti.
Jergilikti bılik pen polısııanyń málimetinshe, zardap shekkender men aıtarlyqtaı qıraýlar tirkelmegen. Sýnamı qaýpi jarııalanǵan joq.
Eske salaıyq, Kaspııde sáýir aıynda 20 ret jer silkindi.