Astanada qalasynda jańa týǵan nárestesin satqan jas anaǵa qatysty qylmystyq is qozǵaldy, dep habarlaıdy Egemen.kz.
Astana qalasynyń prokýratýrasy jańa týǵan balany zańsyz berý faktisi boıynsha qylmystyq is boıynsha memlekettik aıyptaýdy qoldaýdy qamtamasyz etti.
Anyqtalǵandaı, elordanyń 19 jastaǵy turǵyny deldaldar arqyly júktiliktiń segizinshi aıynda jalǵan sýrrogat ana bolý sharty negizinde óziniń jańa týǵan balasyn erli-zaıyptyǵa aqshalaı syıaqy úshin bergen.
Semeıde qoqystan jańa týǵan sábıdiń máıiti tabyldy
Sottyń úkimimen qyz jáne deldaldar Qazaqstan Respýblıkasy Qylmystyq kodeksiniń 135-baby «Kámeletke tolmaǵandar saýdasy» boıynsha kináli dep tanyldy. Sottalýshylarǵa probasııalyq baqylaý belgilene otyryp, shartty túrde 8 jyl bas bostandyǵynan aıyrý jazasy taǵaıyndaldy.
Balanyń quqyqtary men zańdy múddelerin qorǵaý maqsatynda ol kámeletke tolmaǵandarǵa arnalǵan mamandandyrylǵan mekemege ornalastyryldy. Sonymen qatar, Astana qalasy ákimdiginiń «Mamandandyrylǵan balalar úıi» KMM-niń talap-aryzy boıynsha anasy ata-ana quqyqtarynan aıyryldy.
Astana qalasynyń prokýratýrasy balalarǵa qatysty zańsyz mámileler qylmystyq jaýaptylyqqa ákep soǵatynyn jáne quqyq qorǵaý organdarynyń erekshe baqylaýynda ekenin eske salady.
Pavlodarda jańa týǵan sábıin 800 myń teńgege satpaq bolǵan áıel ustaldy
Buǵan deıin Qyzylordada jańa týǵan sábıin satpaq bolǵan 25 jastaǵy áıel ustaldy.