«Qyz Jibek» fılmindegi kamzolǵa baılanysty qoǵamda qyzý talqylanǵan daýdan soń tarıhı kınorekvızıtterdi baqylaý kúsheıtilmek. Bul týraly Mádenıet jáne aqparat vıse-mınıstri Evgenıı Kochetov málimdedi, dep habarlaıdy Egemen.kz.
Onyń aıtýynsha, ańyzǵa aınalǵan fılmdegi tarıhı kostıým aldaǵy ýaqytta «Qazaqfılm» mýzeıiniń qoryna resmı túrde tabystalady. Mınıstrlik bul másele boıynsha Qazaqstannyń halyq ártisi Merýert О́tekeshevamen kelissóz júrgizgen.
Aktrısa kostıýmniń tolyq túpnusqa jıyntyǵy jınalǵannan keıin, tek kamzoldy emes, búkil tarıhı kıimdi memleket qaramaǵyna berýge nıet bildirgen.
Mundaı jaǵdaılardyń qaıtalanbaýy úshin mınıstrlik qazaqstandyq kınoóndiriste qoldanylǵan barlyq kostıýmder men rekvızıtterdi sıfrlandyrý jumysyn bastaǵan. Mamandar olardy biryńǵaı elektrondy bazaǵa engizbek.
Sondaı-aq vıse-mınıstr áleýmettik jelilerde keńinen talqylanǵan keńestik kezeń akterleriniń áleýmettik jaǵdaıyna qatysty pikirlerge de toqtaldy. Onyń sózinshe, memleket sahna ardagerlerimen turaqty baılanysta bolyp, zań aıasynda qajetti qoldaý kórsetip keledi.
Eske salaıyq, osy oqıǵadan keıin prodıýser Baıan Alagózova halyq ártisi Merýert О́tekeshevaǵa ómir boıy aı saıyn 1 mıllıon teńge kóleminde jeke zeınetaqy tóleıtinin jáne páter syılaıtynyn jarııalaǵan edi.