«Chelsı» klýby «Real Madrıd» shabýylshysy Kılıan Mbappeni óz qataryna qosýǵa múddeli. Londondyq klýbtyń jańa bas bapkeri Habı Alonso fransýz forvardyn «Stemford Brıdjde» kórgisi keledi, dep habarlaıdy Egemen.kz.
Osyǵan baılanysty aǵylshyn klýbynyń ókilderi fýtbolshynyń anasy ári agenti Faıza Lamarımen baılanysqa shyqqan. Aldyn ala aqparatqa sáıkes, Alonso men Mbappe arasynda madrıdtik klýbtaǵy birlesken jumys kezinde jaqsy qarym-qatynas qalyptasqan.
Buǵan deıin sheteldik BAQ-ta fýtbolshynyń «Realdaǵy» jaǵdaıyna kóńili tolmaıtyny týraly aqparat taraǵan bolatyn. Atap aıtqanda, «Betıske» qarsy match aldynda Mbappe men bapkerler shtaby músheleriniń biri arasynda kelispeýshilik bolǵany habarlanǵan.
Moýrıno koroldik klýbqa qaıta oralady: «Real» eki jyldyq kelisimshart usyndy
Sondaı-aq jankúıerler koroldik klýbtyń sońǵy ýaqyttardaǵy súreńsiz oıyn kórsetip júrgendigin klýb kóshbasshylary Mbappe men Vınısıýs Jýnıordiń qarym-qatynasymen baılanystyrady. Eske sala ketsek, buǵan deıin ıspandyq klýb oıynshylary arasyndaǵy janjal týraly jazǵan edik.